6 gün maşında sıxışıb qalan qadın belə sağ qaldı - Saqqız qutusuna... + FOTOLAR

  Belçikanın Lej şəhəri yaxınlarında avtomobili ilə dərəyə yuvarlanan 45 yaşlı Korine Bastid adlı qadın 6 gün boyunca maşının içində qapalı qalıb. Oxu24.com xarici mediaya istinadən xəbər verir ki, meşəlik ərazidə, ac-susuz halda 6 gün yaşam mübarizəsi aparan qadın onurğası zədələndiyi üçün maşının içində hərəkətsiz qalıb. O, yağış suyu içərək həyatda qalmağı bacarıb. Bir saqqız qutusuna doldurğu yağış suyunu içən qadın axtarış heyəti tərəfindən 6 gün sonra tapılıb. Qadın deyib ki, heç kimin onu tapa bilməyəcəyini düşünürdü və çox qorxurdu: \"Cib telefonum ard-arda zəng çalırdı amma yaralandığım üçün telefonu götürə bilmirdim, ertəsi gün telefonun enerjisi bitdiyi üçün söndü\". Korine Bastid onu qurtaran qadını \"qoruyucu mələk\" adlandırıb.