Rusiyanın Korrupsiya ilə Mübarizə Fondunun direktoru İvan Jdanov Moskvada şəhər dumasına bəzi şəxslərin namizədliyinin ləğvi əleyhinə keçiriləcək mitinqdən öncə polis tərəfindən saxlanılıb.
Oxu24.com xəbər verir ki, bu sözləri Jdanov öz Tvitter səhifəsində paylaşıb.

“Mən saxlanılmışam. Hər kəsə xoş gün günlər. Rusiya müstəqil olacaq”, – deyə o bildirib.

Jdanovdan başqa meriya qarşısında dizayner Konstantin Konovalov da yaxalanıb. O, səhər qaçışına çıxdığı vaxt meriya qarşısında həbs edildiyini bildirib.

Bununla bərabər Aleksey Navalnının mətbuat katibi Kira Yarmış və Korrupsiya ilə Mübarizə Fondunun əməkdaşı Ruslan Şaveddinovun mənzilində polis tərəfindən axtarış aparılıb. Axtarışlar Moskva Şəhər Dumasına namizəd Yuliya Qalyaminin evində də gedib. Saxlanılanlar arasında Moskva Şəhər Dumasına keçmiş namizəd Dmitri Qudkov da yer alıb.

  Oxu24.com