İran-ABŞ münasibətləri düzələcək? — POLİTOLOQ İLGİNC MƏLUMATLARI AÇIQLADI

DÜNYA

815

09.04.2026, 16:10

Xəbərlərimizi Google-da izləyin

Yeniliklərdən dərhal xəbərdar olun

Son günlərdə ABŞ ilə İran arasında münasibətlər yenidən gərgin mərhələyə daxil olub. Vaşinqtonun tətbiq etdiyi sərt sanksiyalar, hərbi və siyasi təzyiq fonunda əsas sual dəyişmir: bu strategiya Tehranı geri addım atmağa məcbur edəcəkmi?Yaxın günlərdə hər iki dövlət tərəfindən hansı addımlar gözlənilir.

Mövzu ətrafında suallarımızı siyasi ekspert Məhəmməd Əsədullazadə cavablandırıb.

O, Oxu24.com-a açıqlamasında bildirib ki, ABŞ və İran arasında qısa müddətli, təxminən iki həftəlik atəşkəs əldə olunub. Lakin ekspertin sözlərinə görə, bu atəşkəs olduqca kövrək xarakter daşıyır. İsrail bu atəşkəsi prossesini pozur.

"Baxmayaraq ki, rəsmi Islamabad Livan məsələsində atəşkəs razılaşmasına çağırır. Eləcə də Donald Trampın açıqlamalarından aydın olur ki,o da atəşkəs olmasında maraqlıdır və İranla əməkdaşlıq edir.İran zəif tərəf kimi görünsə də, düşünmürəm ki,təslim olsun .ABŞ İrana kapitulyasiya aktı imzalada bilmədi. Bu gün tərəflər daha çox tərəfdaş kimi masa arxasına oturublar. İranın əlində Hörmüz boğazı bir növ Amerikaya qarşı təzyiq alətidir.Onlar bu alətdən öz xeyirlərinə istifadə edirlər. İslamabadda keçiriləcək görüşlərdə tərəflər uzunmüddətli razılaşma və sülh üçün danışıqlar aparacaq. Əgər İsrail bu prossesə mane olmasa uzunmüddətli razılaşmalar əldə olunacaq. Ancaq burada İranın təslim olmasından söhbət getmir.

İran zəifləyib hərbi infrastrukturu sıradan çıxarılıb,iqtisadiyyatı ciddi zərbə alıb,ancaq İran rejimi yerindədir.

Assimetrik müharibəni davam etdirdi və hələ də davam etdirə biləcəyini deyir. Bununla belə, İran da atəşkəsdə maraqlıdır. Çünki getdikcə hərbi infrastruktur sıradan çıxa, həmçinin iqtisadiyyatı çökə bilər. Amerika da müharibənin uzanmasında maraqlı deyil. Buna görə ortaq məxrəcə gəlib atəşkəs əldə olunub.İslamabad görüşü baş tutarsa, bu müstəvidə danışıqlar davam etdiriləcək",-deyə politoloq bildirib.

Hazırladı: Aysel

Həmçinin oxuyun