Azərbaycan üçün xoş xəbər: Çin yeni iş yerləri açacaq 

Çinin regionda investisiya fəallığı yeni və diqqətçəkən layihələrlə genişlənməkdə davam edir. Son nümunə Özbəkistandan gəlib. Çinin "Huanrong Paper" şirkəti Səmərqənd bölgəsində dəyəri təxminən 500 milyon dollar olan kağız fabriki tikməyi planlaşdırır. Layihə Orta Asiya üçün strateji əhəmiyyət daşıyır.

Müəssisə fəaliyyətə başladıqdan sonra investorlar 3000 nəfər üçün iş yeri yaradacaq və ölkə büdcəsinə illik 50–60 milyon dollar vergi gəliri gətirəcək. Şirkət nümayəndələri layihənin Orta Asiyada bu sahədə ilk iri miqyaslı istehsal mərkəzi olacağını vurğulayıblar.

Mövzu ilə bağlı Ölkə.az-a açıqlamasında Milli Məclisin deputatı Vüqar Bayramov qeyd edib ki, Çin Azərbaycanın əsas ticarət tərəfdaşları sırasında xüsusi yer tutur və hazırda ölkəmizin idxal üzrə ən böyük tərəfdaşıdır:

“Ticarət dövriyyəsinin həcminə görə isə Çin ilk beşlikdə qərarlaşır. Bu fakt iki ölkə arasında formalaşan strateji münasibətlərin iqtisadi əlaqələrin daha da dərinləşməsinə xidmət etdiyini açıq şəkildə göstərir”.

Deputat xatırladıb ki, Çin Mərkəzi Asiya ölkələrinə, o cümlədən Özbəkistana iri həcmli investisiyalar yatırır və bu, regionda iqtisadi aktivliyin artmasına səbəb olur. Onun sözlərinə görə, Prezident İlham Əliyevin Çinə səfəri zamanı əldə olunan razılaşmalar da məhz bu strateji xəttin davamıdır.

Həmçinin oxuyun

Azərbaycanda bu şəxslərin maaşları ARTIRILIR 

SON DƏQİQƏ! Tehran vuruldu: Xeyli sayda həlak olan var

SON DƏQİQƏ! Ağır qəza: Xeyli sayda yaralı var

Dəvənin hürgücündə görün nə TOPLANIRMIŞ -MARAQLI FAKT

Vüqar Bayramov bildirib ki, səfər çərçivəsində xüsusilə yaşıl və alternativ enerji, eləcə də qeyri-neft sektorunun müxtəlif sahələrində sərmayələrin artırılması ilə bağlı mühüm anlaşmalar imzalanıb. Bu razılaşmalar Çin investisiyalarının Azərbaycana cəlb olunmasının artıq sistemli və ardıcıl şəkildə həyata keçirildiyini göstərir.

Deputat əlavə edib ki, “China Power” şirkətinin investorlar sırasında yer alması Çin–Azərbaycan münasibətlərinin yalnız ticarət müstəvisində deyil, birbaşa investisiya əməkdaşlığı səviyyəsində də inkişaf etdiyini təsdiqləyir.

“Çin informasiya texnologiyaları, yaşıl enerji və aqrar sahədə yüksək texnoloji üstünlüklərə malik ölkələrdəndir. Bu potensialdan istifadə edilməsi və Çin investisiyalarının Azərbaycana cəlb olunması artıq zərurətə çevrilib”.

Onun fikrincə, mövcud dinamika yaxın illərdə Çin–Azərbaycan münasibətlərinin təkcə ticarət dövriyyəsinin artımı ilə deyil, eyni zamanda investisiya qoyuluşlarının genişlənməsi ilə də müşayiət olunacağını göstərir. Bu isə Çindən Azərbaycana daha çox sərmayənin cəlb edilməsi üçün real imkanlar yaradır.