Bu ölkədə 45 dərəcə şaxta olacaq - Xəbərdarlıq edildi

ABŞ-nin böyük bir hissəsində qarşıdakı günlərdə güclü qar yağışı və kəskin soyuqların müşahidə ediləcəyi proqnozlaşdırılır.

Oxu24.com xəbər verir ki, ABŞ Milli Hava Xidməti (NWS) ölkənin yarıdan çoxunun “donma temperaturu”nun təsiri altına düşəcəyi barədə xəbərdarlıq edib.

Rəsmi açıqlamada Texasın şərqindən cənub bölgələrinə qədər uzanan geniş ərazidə “iflicedici buz fırtınası” gözlənildiyi bildirilib. “Tarixi” kimi qiymətləndirilən qarlı və fırtınalı havanın ölkənin mərkəzindən başlayaraq şərq istiqamətində irəliləyəcəyi, genişmiqyaslı buzlaşma və təhlükəli soyuqlar yaradacağı vurğulanıb.

Proqnozlara görə, ölkənin şimal bölgələrində qarın qalınlığı təxminən 30 santimetrə çata bilər. Texas və Virciniya da daxil olmaqla, cənub ştatlarında da qar yağacağı gözlənilir. Mütəxəssislər bazar gününə qədər təxminən 172 milyon insanın bu əlverişsiz hava şəraitini təsirinə məruz ala biləcəyini bildirirlər.

Hava proqnozlarına əsasən, bəzi bölgələrdə temperaturun -45 dərəcəyədək düşməsi ehtimal olunur. Güclü küləklərin genişmiqyaslı buzlaşmaya, uzunmüddətli elektrik kəsintilərinə və təhlükəli səyahət şəraitinə səbəb ola biləcəyi qeyd edilir. Rəsmilər xüsusilə fırtına və qarın güclü olduğu ərazilərdə yaşayanları ehtiyatlı olmağa çağırırlar.

Həmçinin oxuyun

Bu halda işini itirənlər dövlətdən pul alacaq    —   ŞƏRTLƏR VƏ QAYDASI

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

Nazirlər Kabinetindən yeni QƏRAR:  Sentyabrın 1-dən qüvvəyə minir

Hakimiyyət orqanlarının evdə qalmaq çağırışlarına baxmayaraq, bir çox amerikalı ticarət mərkəzlərinə axın edib. Xüsusilə Nyu-York və Nyu-Cersi ətrafındakı supermarketlərdə su, çörək və makaron kimi əsas ərzaq məhsulları sürətlə tükənib.

Hava şəraiti ilə əlaqədar 10-dan çox ştatda fövqəladə vəziyyət elan edilib, məktəblər bağlanıb. Böyük supermarket şəbəkələri ərzaqla yanaşı, batareya və yorğan kimi vacib məhsulların çatışmazlığının qarşısını almaq üçün əlavə tədbirlər gördüklərini açıqlayıblar.

Bu arada, Nyu-York və Nyu-Cersi Liman İdarəsi (PANYNJ) Con F.Kennedi, Nyuark Liberti və LaQuardia beynəlxalq hava limanlarında qar fırtınası ilə əlaqədar təcili əməliyyat mərkəzlərinin yaradıldığını bildirib. Sərnişinlərə mümkün uçuş ləğvləri ilə bağlı uçuş statuslarını mütəmadi yoxlamaları tövsiyə olunub.

qafqazinfo