Azərbaycanda Sabiq məmur vəfat etdi - FOTO 

Dövlət Statistika Komitəsi sədrinin keçmiş müavini və Aparat rəhbəri Ziyad Abbasəliyev 76 yaşında vəfat edib. 

Oxu24.com bildirir ki, bu barədə “Yeni Sabah”a onun yaxınları məlumat verib. 

Z.Abbasəliyevin xəstəlikdən dünyasını dəyişdiyi bildirilib.

Mərhum sabah dəfn olunacaq. 

Qeyd edək ki, Ziyad Məhəmmədəli oğlu Abbasəliyev 1950-ci il yanvarın 1-də Qərbi Azərbaycanın (Krasnoselo-Çənmərək) Ağbulaq kəndində anadan olub.

Moskva Ali Həmkarlar İttifaqı məktəbinin İqtisadiyyat fakültəsini bitirib.  

Z.Abbasəliyev 1973-cü ildə o vaxtkı Azərbaycan SSR Mərkəzi Statistika İdarəsində iqtisadçı kimi işə başlayıb, şöbə rəsi vəzifəsində işləyib. 1984-cü ildə kadrlar və tədris mütəxəssisləri idarəsinin rəisi təyin edilib və 1996-cı ilədək həmin vəzifədə çalışıb. 1996-cı ilin fevralından Dövlət Statistika Komitəsində Əhalinin siyahıya alınması idarəsinin rəisi və komitə sədrinin müavini işləyib. 

O, 1999-cu ildə Azərbaycanda əhalinin ilk siyahıya alınmasının hazırlanıb həyata keçirilməsinə rəhbərlik edib. Əhalinin 2009-cu il siyahıya alınmasının rəhbəri də o, olub. 

Z.Abbasəliyev 2005-ci ildə Dövlət Stastika Komitəsinin Aparat rəhbəri vəzifəsinə təyin edilib. O, 2015-ci ilin sonuna qədər bu vəzifədə çalışıb. 2011-ci ildə “Dövlət qulluğunda fərqlənməyə görə” medalı ilə təltif olunub. 

2015-cı ilin oktyabr ayında təqaüdə çıxıb. 

Z.Abbasəliyev Dini Qurumlarla İş üzrə Dövlət Komitəsinin Maliyyə və təchizat şöbəsinin müdiri Mahir Abbasəliyevin atasıdır.

Həmçinin oxuyun

Gecə saatlarında meyiti tapılan 16 yaşlı  oğlan GÖRÜN  KİMDİR  —  FOTO

Mülk davası olanlar bu xəbəri oxusun: Bu,hüququnuz da var

Zeynəb Xanlarovanın arxiv videosu yayıldı: Nə deyib?  

Prezident Zəngilandan Ermənistana hansı mesajı verdi?  —  POLİTOLOQLA MÜZAKİRƏ