Bu şəhərdə nəfəs almaq çox çətindir 

Dəniz səviyyəsindən 3650 metr yüksəklikdə yerləşən La Paz uzun illərdir dünyanın ən yüksək hündürlükdə paytaxt şəhəri titulunu daşıyır. Oksigen səviyyəsinin xeyli aşağı olduğu bu şəhərdə gündəlik həyat bir çox ziyarətçi üçün qeyri-adi dərəcədə çətin ola bilər. Yüksək hündürlük səbəbindən nəfəs almaq belə çətindir, lakin La Paz bu ekstremal coğrafi şəraitə baxmayaraq milyonlarla insanın yaşadığı canlı bir paytaxt şəhəri olaraq qalır.

 Oxu24.com  bildirir ki, dəniz səviyyəsindən 3650 metr yüksəklikdə yerləşən Boliviyanın paytaxtı La Paz dünyanın ən yüksək hündürlükdə yerləşən paytaxt şəhərləri arasındadır.

 Yüksək hündürlük səbəbindən şəhərdə oksigen səviyyəsi xeyli aşağıdır. Bu, xüsusilə şəhərə yeni gələnlərdə baş ağrısı, başgicəllənmə və ürəkbulanma kimi təsirlərlə özünü göstərən hündürlük xəstəliyini gündəlik həyatın bir hissəsinə çevirir.

 Yerli əhalinin "Sorojchi" adlandırdığı bu vəziyyət La Pazın coğrafi reallığını ən aydın şəkildə ortaya qoyur. And dağlarının ətəyində inşa edilən şəhər, sürətlə dəyişən hava şəraiti və sərt iqlimi ilə həyatı çətinləşdirir. Buna baxmayaraq, şəhər əsrlər boyu bu şərtlərə uyğunlaşan əhalinin yaşadığı yer olaraq qalır.

 Latın Amerikasının iqtisadi cəhətdən ən həssas ölkələrindən biri hesab edilən Boliviya, yüksək inflyasiya və dənizə çıxışı olmayan yerləşməsi səbəbindən uzun müddətdir ki, struktur problemləri ilə mübarizə aparır.

Bu vəziyyətə baxmayaraq, La Pazda həyata keçirilən "Mi Teleférico" layihəsi şəhər həyatında əhəmiyyətli bir dəyişiklik yaradıb. 2012-ci ildə istifadəyə verilən və yüz milyonlarla dollarlıq investisiya ilə inşa edilən kanat yolu şəbəkəsi dik yamaclarda yerləşən məhəllələr arasında nəqliyyatı xeyli asanlaşdırıb. Bu sistem sayəsində saatlarla davam edə biləcək səyahətlər dəqiqələrə endirilib.

Coğrafi çətinlikləri ilə yanaşı, La Paz siyasi hadisələri ilə də seçilir.

Həmçinin oxuyun

Dolu düşəcək,qar yağacaq   —  Bu tarixdən 

SON DƏQİQƏ! İran prezidenti qonşu ölkələrlə bağlı görün nə dedi

Balqabaq tumunun bu faydasını bildikdən sonra hər gün yeyəcəksiniz   —  Hazırlanma QAYDASI

Martın 21-də Azərbaycana qar yağdı

Son prezident seçkiləri uzun illər ölkəyə hakim olan solçu hökumətin gücünün əhəmiyyətli dərəcədə azalmasını göstəib və mərkəz-sağçıların yüksəlişini ortaya qoyub. Plaza Murillo kimi tarixi meydanlar bu siyasi transformasiyanın və sosial hərəkətliliyin mərkəzində qalmaqdadır.

Yüksək hündürlüyünə, sərt iqliminə və çətin həyat şəraitinə baxmayaraq, La Paz Boliviyanın siyasi, mədəni və sosial mərkəzlərindən biri olaraq qalır. Ziyarətçilər üçün fiziki cəhətdən çətin olsa da, şəhər təklif etdiyi təcrübələrlə diqqəti cəlb etməyə davam edir.Sfera.az