"Bakını bombalamaq"dan Duqinə qədər: Rusiyalı rəsmiləri narahat edən nədir?   

Onu bütün dünyada “Kremlin danışan dili” deyilir. Söhbət Rusiyalı siyasi nəzəriyyətçisi, tanınmış ictimai xadim, sosioloq və politoloq, “Beynəlxalq Avrasiya Hərəkatı”nın lideri Aleksandr Duqindən gedir.

Aleksandr Duqin  emosiyyaları hansısa səbəbdən şahə qalxıb və o Azərbaycanın müstəqilliyinə dil uzadıb.  “Moskva Azərbaycan, Ermənistan, Gürcüstan, Qazaxıstan, Özbəkistan və Qırğızıstanın müstəqilliyi ilə barışmamalıdır”.

Kremlin tapşırıqlarını qolu bağlı qul kimi şərtsiz yerinə yetirən qulluqçu təfəkkürlü, şovinist və eqoist  rusiyalı rəsmi məmurların mənasız çağırışlarını ilk dəfə deyil ki, eşidirik. Duqin də saray xidmətçisi kimi onlardan biridir və xidmətkar qul təxəyyülü ilə yaşayanlar  danışacaqları fikri heç vaxt sorğulamırlar, araşdırmırlar, sözün çəkisini, tutumunu, ağırlığını  anlamaq istəmirlər.  Çünki, nökərdirlər. Nə əmr edilirsə, nə deyilirsə,  onu etməlidirlər. 

Son 5-6 ildə Duqin kimi kələfin ucunu itirmiş bir çox şovinistlər Azərbaycan insanının  nifrətini qazanmağı bacarıblar. Gəlin onları xatırlayaq. 

1. Rusiyalı deputat Mixayil Delyagin 2022-ci ildə “Rossiya-1” telekanalında yayımlanan “60 dəqiqə” proqramında çıxış edən deputat Delyagin həddini aşaraq Azərbaycanın neft sənayesini bombalamaqla hədələyib. Delyaginin sərsəmləməsini təsdiqləyən Kremlin “media tətikçisi” Olqa Skabeyeva da hədsizcəsinə Azərbaycana “çoxlu suallar”ın olacağını deyib.

2. Rusiya Federasiyasının Moskva Dövlət Beynəlxalq Münasibətlər institunun hərbi-siyasi tədqiqatlar mərkəzinin aparıcı eksperti, hüquq elmləri doktoru Mixail Aleksandrov 2022-ci ilin sonunda Azərbaycanla Rusiya arasında münasibətlərə xələl gətirməyə cəhd göstərərək "Azərbaycanın bütün neft sənayesinin, enerji sisteminin raketlərlə bombalanması və tamamilə məhv edilməli olmasını" bildirməklə açıq çağırışlar edib.

3. Kremlin əsas təbliğatçılarından biri, tele-aparıçı Vladimir Solovyov Azərbaycana qarşı  sonuncu hədəsi ötən yayda baş verdi. O, “Soloviev Live” efirində Azərbaycanın guya Rusiya ilə toqquşacağı təqdirdə ciddi nəticələrlə üzləşəcəyini söyləyib:“Sizə elə gəldi ki, Rusiya zəifdir? Siz çox təəccüblənəcəksiniz. Əgər Azərbaycan hesab edirsə ki, onun arxasında Türkiyə dayanır və o, Dərbənd uğrunda döyüşə bilər… Yaxşı… Hazırda bizim yumşaq qarın bölgəmizdə baş verənlər həm də İranla birgə Xüsusi Hərbi Əməliyyat keçirmək üçün əsas kimi görünə bilər — NATO ölkələrinin dost olmayan təsirinə qarşı. Burada isə Böyük Britaniya və Fransa böyük rol oynayır. Və (təsir göstərənlər) hələ də nəyisə anlamayan ağılsızlardır”.

4. Rusiya Dövlət Dumasının MDB işləri üzrə komitəsi sədrinin birinci müavini Konstantin Zatulin də  ötən il Azərbaycanı hədələyib. Zatulin çıxışında qeyd edib ki, Dağlıq Qarabağda baş verən bütün hadisələr nəticəsində Azərbaycan başqa səviyyəyə çatıb və artıq Rusiya ilə münasibətlərdə o qədər də maraqlı deyil. Deputatın fikrincə, ölkə rəhbərliyi bundan dərin nəticə çıxarmalıdır:"Bu o demək deyil ki, biz də qışqırmağa başlamalıyıq və ya bazarlarımızda azərbaycanlı alverçilərə qarşı ümumi reyd təşkil etməliyik. Əksinə, biz Azərbaycanın daxili vəziyyətini diqqətlə düşünməliyik. Ermənistanda da baş nazir Paşinyanın xəyanətkar kursuna qarşı çıxanları dəstəkləməliyik".

Həmçinin oxuyun

“20 Yanvar həm faciə, həm də milli istiqlaliyyət yolunda xalqımızın qətiyyətli mübarizəsinin simvoludur” – Millət vəkili   

FHN-də  yüksək VƏZİFƏYƏ TƏYİNAT -FOTO

"Bakını bombalamaq"dan Duqinə qədər: Rusiyalı rəsmiləri narahat edən nədir?   

Nazir  Vilayət Eyvazov müşavirə keçirdi: TAPŞIRIQ VERDİ    —    FOTOLAR

5. Rusiyalı deputat Andrey Qurulyov ötən il  özünün "Telegram" kanalında bəyan etdi ki, əgər Rusiyada piştaxtalarda Azərbaycandan gələn mal yoxdursa, o zaman bizim üçün heç nə dəyişməyəcək, amma onlar üçün çox şey dəyişəcək", - kimi ikibaşlı eyhamla fikirlər səsləndirmişdi. Onun fikrincə, Rusiya kimi böyük qonşu ilə münasibətləri korlamaq ağılsızlıqdır. Qurulyov qeyd etdi ki, Rusiyada azərbaycanlı sahibkarları da "çimdikləmək" mümkündür.(Təəssüf ki, Rusiya  azərbaycanlı sahibkarları  "çimdikləməkdə  həddini aşdı.)

6. Kremlpərəst rusiyalı təbliğatçı Yuri Podolyak da sıradan qalmadı. O,  Rusiyanın Azərbaycanla münasibətlərinin gərginləşməsini və Azərbaycanın neft sektorunda qüsur aşkarlanmasını birbaşa əlaqələndirərək, açıq şəkildə Bakıya mesaj göndərdi. O, bu qüsuru “tanrının qisməti” kimi izah etməklə yanaşı, Rusiyanın Azərbaycan siyasətindəki təzyiqini normal və qaçınılmaz bir proses kimi təqdim etdi. Podolyakın bu mövqeyi Kremlin informasiya təbliğatının yalnız daxili auditoriya üçün deyil, həm də Azərbaycana yönəlmiş strateji təzyiq vasitəsi olduğunu göstərdi.

Duqinin müxtəlif zamanlardakı  açıqlamalarını 

 xatırladaq: Rus-erməni klubu olan  “Qriboyedov”un üzvü Aleksandr Duqin Ermənistanın 1in.am saytına müsahibəsində deyib ki, Rusiya Azərbaycanla “başqa cür” danışmalı olacaq. Duqin bildirib ki, bunun səbəbi Azərbaycanın “Saakaşvili rejimi və Kiyev xuntası” ilə bir cəbhədə yer alıb Rusiyanın maraqlarına qarşı siyasət yürütməsidir.

2015-ci il

- Duqin:“Dağlıq Qarabağ münaqişəsini nə Azərbaycanın, nə də Ermənistanın xeyrinə həlli mümkün deyil. Türkiyənin isə bu konfliktə ümumiyyətlə, heç bir aidiyyəti yoxdur. Heç bir halda Rusiya-Türkiyə münaqişəsindən hansısa ölkənin regional maraqları naminə istifadə eləmək olmaz. Çünki Rusiya münaqişə tərəflərindən heç birini müdafiə eləməyəcək - biz həm ermənilərlə, həm də azərbaycanlılarla dostuq”.(Yəni, Qarabağ heç kimindir, yalnız Rusiya orada qərar verə bilər-red-ƏR)

Duqin qıpqırmızı şəkildə iddia edirdi ki, Rusiyanın əsas vəzifəsi Qarabağa konfliktinin qızışmasına imkan verməməkdir: “Əks halda bu, hamı üçün pis olacaq. Heç kim situasiyadan birtərəfli qaydada faydalanıb özünün regiondakı strateji mövqeyini yaxşılaşdıra bilməyəcək. Bu konflikt heç kimə lazım deyil, ona görə ki, ondan yararlanıb da müsbət nəticələr əldə eləmək mümkünsüzdür. Mən vəziyyətin mürəkkəbliyini və münaqişə tərəflərinin narazılığını başa düşürəm, ancaq Qarabağda status-kvonu dəyişməyə edilən istənilən hərbi cəhd regionda vəziyyəti yalnız daha da ağırlaşdıracaq və yeni qanlara gətirəcək, özü də heç bir yekun nəticə olmadan”.

2019-2020

Sonralar dəfələrlə özünü guya Azərbaycanı sevirmiş göstərsə də, 44 günlük Vətən Müharibəsində birmənalı Azərbaycanı dəstəkləsə də, əslində bu sevgi deyildi, ermənilərin Rusiyaya qarşı kəskin münasibətinə reaksiya olaraq Azərbaycan adı ilə onları qəzəbləndirmək, əsəbləşdirmək idi.

 P.S.Guya  Rusiya və Azərbaycan arasında imzalanan "Müttəfiqlik haqqında Bəyannamə" kimi sənədlər, iki ölkə arasında strateji tərəfdaşlıq və işbirliyini göstərir. Amma  görünən odur ki, hegemon qonşumuz üçün heç bir sənədin önəmi yoxdur. 

 Mərhum  Çeçenistan Prezidenti Cövhər Dudayev "ruslarla bağlanmış müqavilə suya yazılan yazı kimi" ifadəsi ilə Rusiya ilə olan sazişlərin etibarsızlığını və Rusiyanın yalançı təbiətini vurğulamışdı. Bu tip sazişləri   onları aldatmağı bacaran "görünməz düşmən" kimi görürdü. Haqlıymış!

Əntiqə Rəşid