Çin İrana DƏSTƏK verdi

DÜNYA

507

16.01.2026, 10:41

Çinin xarici işlər naziri Vanq Yi İranda baş verən etirazlarla bağlı açıqlama verərək Tehrana dəstək ifadə edib. Çin Xarici İşlər Nazirliyinin yaydığı məlumata görə, Vanq Yi İranın xarici işlər naziri Abbas Əraqçi ilə telefon danışığı aparıb.

Oxu24.com xəbər verir ki, danışıq zamanı Əraqçi ölkədəki mövcud vəziyyət barədə məlumat verib. Vanq Yi isə bildirib ki, Çin İran hökuməti və xalqının birgə səylərlə çətinliklərin öhdəsindən gələcəyinə, milli sabitliyi qoruyacağına, qanuni hüquq və maraqlarını müdafiə edəcəyinə inanır.

Çin XİN rəhbəri ABŞ-ın mümkün müdaxiləsi ilə bağlı mövqeyini də açıqlayaraq vurğulayıb ki, Pekin beynəlxalq münasibətlərdə güc tətbiqinə və təhdidlərə, bir ölkənin iradəsinin digərlərinə zorla qəbul etdirilməsinə, eləcə də “qanunlar yox, güc hökm sürür” yanaşmasına qarşıdır. Vanq Yi bütün tərəfləri təmkinli davranmağa, sülhü qorumağa və fikir ayrılıqlarını dialoq yolu ilə həll etməyə çağırıb, Çinin bu prosesdə konstruktiv rol oynamağa hazır olduğunu qeyd edib.

Həmçinin oxuyun

Zaurun ATV-dəki aqibəti bəlli oldu

SON DƏQİQƏ! Tramp gecə saatlarında həmin qərarı verdi

Bu şəxslər ömürlük pensiya alacaq — AZƏRBAYCANDA

Əlilliyi olan şəxslərə mənzillə bağlı ŞAD XƏBƏR: Ekspertlər qaydanı AÇIQLADI

İranın xarici işlər naziri Abbas Əraqçi isə ölkədəki ictimai narazılığın xarici qüvvələr tərəfindən qızışdırıldığını, lakin hazırda sabitliyin bərpa olunduğunu bildirib. O, İranın xarici müdaxiləyə hazır olduğunu, eyni zamanda dialoqa açıq qaldığını vurğulayıb. Əraqçi Çinin regional sülh və sabitlikdə daha fəal rol oynamasını dəstəklədiklərini də əlavə edib.

Qeyd edək ki, İranda 28 dekabr 2025-ci ildən etibarən milli valyutanın kəskin dəyər itirməsi və iqtisadi çətinliklər fonunda başlayan etiraz aksiyaları ölkə üzrə yayılıb. Rəsmi qurumlar ölən və yaralananlarla bağlı məlumat açıqlamasa da, ABŞ mərkəzli HRANA təşkilatı etirazlar zamanı minlərlə insanın həlak olduğunu və on minlərlə şəxsin saxlanıldığını iddia edib.