İspaniya Türkiyədən təyyarə alacaq

news/2025_10_29/907970_src_1761766500.jpg

DÜNYA

455

29.10.2025, 23:33

İspaniya Türkiyədən 45 ədəd HÜRJET təlim təyyarəsi alacaq.

Oxu24.com xəbər verir ki, NTV-nin məlumatına görə, İspaniya hökuməti Türkiyənin ilk yerli istehsal olan reaktiv təlim təyyarəsi olan və Türk Aerokosmik Sənayesi A.Ş. (TUSAŞ) tərəfindən hazırlanmış HÜRJET-in alınmasını təsdiqləyib.

Dünən İspaniya hökumətinin iclasında qəbul edilən qərarda deyilirdi ki, "Nazirlər Şurası mövcud F-5M təyyarələrini əvəz edən döyüş və zərbə təyyarələri üçün İnteqrasiya olunmuş Təlim Sisteminin (ITS-C) alınması üçün 3,12 milyard avro dəyərində müqaviləni təsdiqləyib".

Hökumət fərmanında bildirilirdi ki, bu addım Hərbi Hava Qüvvələri və Kosmik Qüvvələrə döyüş və zərbə təyyarələri üzrə ixtisaslaşmış pilotların hazırlanmasında imkanlarını genişləndirmək üçün lazımi şərait yaradacaq.

Qərarda həmçinin deyilirdi: "Bu sistem (ITS-C) yeni və mürəkkəb təhlükəsizlik vəziyyətlərində əməliyyatlar üçün adekvat hazırlığı təmin etmək üçün nəzərdə tutulub. Müqavilə imzalanma tarixindən 30 noyabr 2035-ci ilə qədər, uzadılma ehtimalı olmadan qüvvədə olacaq."

Həmçinin oxuyun

Pensiya ilə bağlı VACİB XƏBƏR

Toyuq ətinin rəngi nəyi göstərir? - VACİB MƏLUMAT

Vəkil Esmira Rzayeva: Penitensiar Xidmət müstəqil status ala bilər

Prezidentdən deputatın oğlu ilə bağlı SƏRƏNCAM

Təchizatların 2028-ci ildə başlaması gözlənilir. Təhvil verilən ilk təyyarənin 2029-2030-cu illər üçün təlim kursunda istifadə edilməsi və HÜRJET-in ən azı 30 illik xidmət müddətinin olması gözlənilir.

Təyyarə Turkish Aerospace tərəfindən istehsal olunacaq və daha sonra İspaniyanın Airbus Defence and Space şirkəti tərəfindən "İspanlaşdırılacaq", yerli istehsal olan avionika və dəstək sistemlərini birləşdirəcək və daxili konversiya və texniki xidmət müəssisəsi yaradacaq.

Nigar