Qaynar xətt:

(+99450) 247 90 86

Böyük Britaniya Ukraynaya qoşun yeritmək istəyir

news/2025_10_28/brit_1761680400.jpg

DÜNYA

464

28.10.2025, 23:39

Bloomberg xəbər verir ki, Böyük Britaniya qoşunlarını Ukraynaya göndərmək niyyətindədir.

Nəşrdə deyilir ki, "Böyük Britaniyanın növbəti böyük hərbi yerləşdirilməsi Ukraynaya ola bilər".

Məqalədə qeyd olunur ki, Britaniya əsgərləri Ukrayna qoşunlarını cəbhə xəttindən uzaqda təlimləndirəcək, Kral Hərbi Dəniz Qüvvələri və Kral Hərbi Hava Qüvvələri isə hava məkanına və dənizlərə nəzarət etməyə kömək edəcək.

Bloomberg-in məlumatına görə, Böyük Britaniyanın Müdafiə üzrə Dövlət Katibi Con Heyli də qeyd edib ki, London Ukraynaya qoşun və avadanlıq yerləşdirməyin ilkin xərclərini ödəmək üçün "100 milyon funt sterlinqdən çox" yardım paketi hazırlayır.

Bundan əlavə, Fransa rəsmi olaraq 2026-cı ildə qoşunlarını Ukraynaya göndərmək planlarını açıqlayıb. Fransa Ordusunun Baş Qərargahı xaricə 7000 əsgər göndərməyə hazırdır.

Danimarkanın Baş naziri daha əvvəl Putinə Qərbin Ukraynanı tərk etməyəcəyinə söz vermişdi.

Nigar