Amerika ilə Yaponiya arasında "Yeni Qızıl Dövr"

Ağ Evin verdiyi açıqlamada ABŞ Prezidenti Donald Tramp və Yaponiyanın Baş naziri Sanae Takaiçi "ABŞ-Yaponiya Alyansı üçün Yeni Qızıl Dövrünə Doğru" sazişini imzalayıblar.

Oxu24.com   xəbər  verir   ki, byanatda deyilir: "İki lider hər iki ölkənin bu istiqamətdə sürətli və davamlı səylərini qeyd etməkdən məmnunluq duyduqlarını və bu vacib sazişin həyata keçirilməsinə olan güclü sadiqliklərini bir daha təsdiqlədiklərini bildiriblər".

Ağ Ev qeyd edib ki, bu sənəd "hər iki ölkənin iqtisadi təhlükəsizliyini gücləndirməsinə, iqtisadi artımı təşviq etməsinə və bununla da davamlı qlobal rifaha töhfə verməsinə kömək edəcək".

İki lider müvafiq nazirlərinə və katiblərinə onu həyata keçirmək üçün əlavə addımlar atmağı tapşırıblar.

Bundan əlavə, tərəflər mədənçilik və emal yolu ilə vacib mineralların və nadir torpaq metallarının tədarükünü təmin etmək üçün çərçivə proqramı imzalayıblar.

Reuters xəbər verir ki, liderlər ölkələr arasında münasibətlərin "yeni qızıl dövrü" ilə bağlı sənədləri, eləcə də strateji investisiyalar üzrə anlaşma memorandumunu imzaladıqdan sonra Yaponiyanın Baş naziri ABŞ Prezidenti Donald Trampı Nobel Sülh Mükafatına namizəd göstərəcəyini açıqlayıb. "Dünya belə qısa müddət ərzində daha dinc olub", Takaiçi əlavə edib ki, Trampdan təsirlənib və ilhamlanıb.

Media qeyd edib ki, Takaiçi Trampı "səmimi qarşılayıb" və İsrail ilə HƏMAS arasında atəşkəs əldə etmək səylərini tərifləyib, "onu Yaponiyanın azad və açıq Hind-Sakit okean regionu kimi ortaq məqsədlərinə dəstək verdiyinə əmin edib".

The New York Post qəzetinin məlumatına görə, Takaiçi ABŞ prezidentini 2026-cı il Sülh Mükafatına namizəd göstərdiyini açıqlayıb. Ağ Evin sözçüsü qəzetə bildirib ki, baş nazir "prezidentə namizədliyi barədə məlumat verib və ona sənədləri təqdim edib".

İyulun sonlarında Yaponiya və ABŞ tarif məsələsini həll etmək üçün ticarət razılaşmasına nail olublar. Buraya ABŞ-da 550 milyard dollarlıq Yaponiya investisiyası, Yaponiya bazarının Amerika mallarına açılması, ABŞ mallarına 15% tariflər və daha çox şey daxildir. Oktyabrın ortalarında ABŞ Maliyyə Naziri Skott Bessent bildirib ki, ABŞ Yaponiyanın Rusiya neft və qaz idxalını dayandırmasını gözləyir.

Nigar

Həmçinin oxuyun

Mərkəzi Bankın yeni tarifi kart köçürmələrini ucuzlaşdıracaq? — İqtisadçıdan AÇIQLAMA 

 Nazirlər Kabineti bu  məsələləri həll etsin  - PREZİDENTİN FƏRMANI

Türkiyədən gələn bu hərəkətlərin qarşısı alınmalıdır   —  POLİTOLOQLA MÜZAKİRƏ

Hicablı xanımlar işdən ÇIXARILIR? - AÇIQLAMA GƏLDİ