Qaynar xətt:

(+99450) 247 90 86

Putin və Zelenski harada görüşə bilər?

news/2025_08_19/putin_zel_1755587607.jpg

DÜNYA

481

19.08.2025, 11:06

Fransa prezidenti Emmanuel Makron Rusiya prezidenti Vladimir Putin və Ukrayna prezidenti Vladimir Zelenski arasında ikitərəfli görüş üçün mümkün məkan kimi Cenevrəni təklif edib.

Oxu24.com   xəbər  verir  ki, Fransa lideri bu barədə TF1 telekanalına müsahibəsində bildirib.

Makronun sözlərinə görə, 2019-cu ildə olduğu kimi Parisdə danışıqların keçirilməsindən söhbət gedə bilməz.

"Vəziyyət fərqli mərhələdədir, ona görə də neytral ölkə tapmaq lazımdır. Ola bilsin ki, İsveçrə, mən Cenevrənin tərəfdarıyam. Yaxud başqa ölkə olacaq. Sonuncu dəfə ikitərəfli məsləhətləşmələr Türkiyədə, İstanbulda olub", - o qeyd edib.

Makron həmçinin bildirib ki, Vaşinqtonda Avropa liderləri, ABŞ prezidenti Donald Tramp və Ukrayna prezidenti Vladimir Zelenskinin iştirak etdiyi son görüşdə Rusiya ilə Ukrayna arasında ən yüksək səviyyədə birbaşa təmas perspektivi müzakirə olunub.

Onun sözlərinə görə, belə görüşdən sonra ABŞ-ın iştirakı ilə üçtərəfli format, daha sonra isə daha geniş çoxtərəfli görüş baş tuta bilər. Danışıqlarda, Fransa prezidentinin vurğuladığı kimi, həm Avropa ölkələri, həm də Türkiyə - "təhlükəsizliyi müharibənin nəticəsindən birbaşa asılı olanlar" iştirak etməlidir.

Xatırladaq ki, avqustun 18-də Belidə ABŞ prezidenti Donald Tramp, Ukrayna prezidenti Vladimir Zelenski və Avropa liderləri arasında görüş keçirilib. Onların hamısı Ukraynada müharibənin dayandırılması məsələsini müzakirə ediblər.

Görüşdən sonra Tramp Rusiya lideri Vladimir Putinə zəng edərək Rusiya və Ukrayna prezidentləri arasında ikitərəfli görüş hazırlamağa başladığını açıqlayıb. Tramp əlavə edib ki, bundan sonra onun da iştirak edəcəyi üçtərəfli görüş baş tutacaq.

Nigar