Qaynar xətt:

(+99450) 247 90 86

Amerikalı analitiklər Rusiyanın əsl məqsədləri haqqında danışır 

DÜNYA

71

04.06.2025, 11:45

Rusiya real sülhdə maraqlı deyil.

Oxu24.com  xəbər  verir   ki, Amerika Müharibənin Tədqiqi İnstitutunun (ISW) mütəxəssisləri Rusiyanın yüksək rütbəli rəsmilərinin son bəyanatlarını təhlil etdikdən sonra belə qənaətə gəliblər.

Rusiya Təhlükəsizlik Şurasının sədr müavini Dmitri Medvedev birbaşa bəyan edib ki, Moskvanın İstanbuldakı danışıqları kompromis sülh əldə etmək üçün deyil, Ukrayna hökumətinin “tez qələbəsi və tam məhvi” naminə lazımdır. O əlavə edib ki, Rusiya “qeyri-real” hesab etdiyi şərtləri qəbul etmir.

ISW də bu açıqlamalara diqqət çəkib. Analitiklər həmçinin Kremlin mətbuat katibi Dmitri Peskovdan sitat gətiriblər ki, Moskvanın təklifləri münaqişəni dərhal bitirmək deyil, müharibənin “əsas səbəblərini aradan qaldırmaq” məqsədi daşıyır. O, Putinin Tramp və Zelenski ilə görüşünün müəyyən şərtlər yerinə yetirilməyənə qədər baş tutmayacağına işarə edib.

ISW belə qənaətə gəlir ki, Rusiya nümayəndə heyətinin danışıqlarda iştirakına baxmayaraq, Kreml real kompromisə hazır olduğunu nümayiş etdirmir və Ukraynanın təslim olmasına səy göstərməkdə davam edir.

Nigar