Qaynar xətt:

(+99450) 247 90 86

Türkiyədə illik inflyasiya yavaşlayır

DÜNYA

70

03.06.2025, 14:46

May ayında Türkiyədə inflyasiya aprel ayı ilə müqayisədə 1,53% təşkil edib, lakin illik ifadədə qiymət artım tempi yavaşlamağa davam edir.

Bu barədə Oxu24.com ölkənin dövlət statistika agentliyi TÜİK-in hesabatına istinadən məlumat yayıb.

May ayının sonunda illik inflyasiya 37,86% olan aprel göstəricisi ilə müqayisədə 35,41% təşkil edib.

Hesabata görə, may ayında ən çox bahalaşan mallar alkoqol və tütün məmulatları olub - 6,97%, geyim və ayaqqabı - 2,99%, nəqliyyat isə 2,66%.

İllik  ən çox qiymət artımı təhsil sektorunda - 71,67%, mənzil-tikinti sektorunda - 67,43% və səhiyyədə - 40,12% qeydə alınıb. Ərzaq, spirtli içkilər, tütün məmulatları, otellər və nəqliyyatın qiymətləri il ərzində 26-36% artıb.

Hər ay alternativ statistika dərc edən bir qrup müstəqil iqtisadçıya görə, may ayında inflyasiya 3,66%, illik göstərici isə 71,23% təşkil edib.

2025-ci ilin aprel ayında Türkiyə Mərkəzi Bankı əsas faiz dərəcəsini 42,5%-dən 46%-ə qaldırıb. Bu, gözlənilmədən baş verdi, çünki ekspertlər eyni qalacağını gözləyirdilər. Həmin dövrdə ölkədə inflyasiya səviyyəsi 38,1%-də qalıb, fevralda isə 42,12%-dən 39,05%-ə enib.

Nigar