Qaynar xətt:

(+99450) 247 90 86

Kolumbiya dağlarında naməlum qədim sivilizasiyanın izləri tapıldı

DÜNYA

130

02.06.2025, 20:09

Almaniya, Kolumbiya, Hollandiya və digər ölkələrdən olan beynəlxalq alimlər qrupu Kolumbiyanın Altiplano yaylasında 6000 il əvvəl mövcud olmuş naməlum sivilizasiyanın izlərini aşkar ediblər.

Oxu24.com  xəbər  verir   ki,tədqiqat Science Advances (SciAdv) elmi jurnalında dərc olunub.

Komanda 21 qədim skeletin DNT-sini tədqiq edib. Təhlillər göstərdi ki, burada uzaq keçmişdə ovçu-yığıcılar yaşayıb. Amma 2000 il əvvəl bölgənin əhalisi tamamilə yenilənib.

Kolumbiya Milli Universitetindən genetik Andrea Kasas-Varqas, "Bu, heç bir genetik irsi olmayan orijinal populyasiyanın tamamilə yox olması ilə bağlı qeyri-adi bir hadisədir",-deyə o bildirib.

İbtidai ovçu-yığıcılardan dulusçuluq və kənd təsərrüfatına yiyələnmiş daha inkişaf etmiş cəmiyyətə doğru mədəni keçid xüsusi maraq doğurur. Bu insanlar 16-cı əsrdə avropalılar gələnə qədər bölgədə qaldılar.

Tədqiqat həmçinin Cənubi Amerikada, o cümlədən Avstraliya aborigenləri ilə gözlənilməz genetik əlaqələrin aşkar edildiyi mürəkkəb miqrasiya modelini təsdiqlədi.

Alimlər Şimali və Cənubi Amerika arasında körpü rolunu oynamış bu əsas bölgədə qədim əhalinin yoxa çıxmasının səbəblərini və miqrasiya nümunələrinin təfərrüatlarını müəyyən etmək üçün araşdırmalarını davam etdirirlər.

Bundan əvvəl Qvatemalada 3000 illik naməlum Mayya şəhəri aşkar edilmişdi.

Nigar