Qaynar xətt:

(+99450) 247 90 86

Bu ölkədə telegram bağlanır 

DÜNYA

126

23.05.2025, 14:13

Vyetnam hakimiyyəti messencerin cinayətkarlıqla mübarizə məsələsində səlahiyyətlilərlə əməkdaşlıqdan imtina etməsi səbəbindən iyunun 2-dək Telegram-ı bloklamağı planlaşdırır.

Oxu24.com  xəbər  verir  ki, Reuters bu barədə hökumətin mayın 21-də qəbul etdiyi qərara istinadən məlumat yayıb.

Ölkə polisinin məlumatına görə, 9600 yerli kanalın 68%-nin fırıldaqçılıq və narkotik alveri ilə, bəzilərinin isə terrorizmlə əlaqəli olduğu bildirilir.

Telegram-ın bloklanmasına görə məsuliyyət telekommunikasiya şirkətlərinin üzərinə qoyulub, onlardan Vyetnamın kibertəhlükəsizlik departamentinə hökumət fərmanının icrası barədə hesabat verməli olacaqlar.

Bundan əvvəl Pavel Durov bildirmişdi ki, 12 il ərzində Telegram heç vaxt bir bayt şəxsi mesajı açıqlamayıb.

Onun sözlərinə görə, qanunvericiliyə, məsələn, Aİ-nin Rəqəmsal Xidmətlər Qanununa uyğun olaraq, Telegram yalnız cinayət törətməkdə şübhəli bilinən şəxslərin IP ünvanlarını və telefon nömrələrini təqdim etməyə hazırdır. Ancaq bu, yalnız etibarlı məhkəmə qərarı olduqda baş verir və mesajların məzmunu ötürülmür.

Bundan əvvəl Dövlət Duması bütün Rusiyada Telegram-ı bloklamaq niyyətində olmadıqlarını bildirmişdi.

Nigar