Qaynar xətt:

(+99450) 247 90 86

Paris və Ər-Riyad Həmasla bağlı nə düşünür?

DÜNYA

162

22.05.2025, 18:42

Fransa və Səudiyyə Ərəbistanı Fələstinin radikal HƏMAS hərəkatını tərksilah etmək və onu siyasi struktura çevirmək üçün birgə təşəbbüsü müzakirə edirlər.

Bu barədə mənbələrə istinadən Bloomberg məlumat yayıb.

Agentliyin məlumatına görə, Paris və Ər-Riyad hesab edir ki, HƏMAS-ın siyasi funksiyalarını saxlaması hərəkatın silahlı mübarizədən əl çəkməyə hazır olmasına töhfə verə bilər.

Eyni zamanda, mənbələrə görə, İsrail hakimiyyəti anklavda hərbi əməliyyatlar başa çatdıqdan sonra Qəzza zolağının idarə olunmasında HƏMAS-a hər hansı rol verilməsinin əleyhinədir.

Martın 18-də İsrail ordusu Qəzza zolağında hərbi əməliyyatları bərpa edərək anklav ərazisinə kütləvi zərbələr endirib və yanvarda yaradılmış atəşkəsə son qoyub. İsrailin baş naziri Benyamin Netanyahunun ofisi bunu HƏMAS-ın danışıqlar zamanı vasitəçilər və ABŞ prezidentinin xüsusi nümayəndəsi Steven Witkoff tərəfindən irəli sürülən təkliflərdən imtina etməsi ilə izah edib və bildirib ki, Qəzza zolağında əməliyyatın məqsədi bütün girovları azad etməkdir.

Radikallar hərbi əməliyyatların yenidən başlamasında İsrail və ABŞ-ı günahlandırıblar. Mayın 8-də İsrail Müdafiə Qüvvələri Qəzzada HƏMAS-ı məğlub etmək üçün Gideonun döyüş arabaları əməliyyatının həlledici mərhələsinə daxil olduğunu elan edib.

Nigar