Qaynar xətt:

(+99450) 247 90 86

Paris yəhudilər üçün əlavə təhlükəsizlik tədbirləri tətbiq edir

DÜNYA

107

22.05.2025, 17:12

Fransa ABŞ-da İsrail səfirliyinin iki əməkdaşının güllələnərək öldürüldüyü faciə fonunda yəhudi icması üçün təhlükəsizlik tədbirlərini gücləndirir.

“The Local France” xəbər verir ki, bu barədə ölkənin daxili işlər naziri Bruno Retaillo bildirib.

"Təhlükəsizlik tədbirləri görünən və çəkindirici olmalıdır" dedi Retayo hüquq-mühafizə orqanlarına müraciətində. O, polisə sinaqoqlar, yəhudi məktəbləri, mağazalar, media orqanları və mədəni tədbirlər yaxınlığında patrul xidməti gücləndirməyi əmr edib.

Nazir həmçinin 2015-ci ildən Fransada baş verən silsilə terror aktlarından sonra həyata keçirilən Sentinelle əməliyyatında iştirak edən hərbçilərə əlavə dəstək əmri verib. Əməliyyatda ordu, jandarma və polis qüvvələri iştirak edir.

Fransa Avropanın ən böyük yəhudi icmasına ev sahibliyi edir və beynəlxalq gərginliyin artdığı vaxtlarda hakimiyyət orqanları müntəzəm olaraq təhlükəsizliyi gücləndirir.

Bundan əvvəl Vaşinqtonda İsrail səfirliyinin iki əməkdaşı FTB binası yaxınlığında güllələnib. KİV-in məlumatına görə,onlar  nişanlanmaq üzrə olan gənc cütlük olub.

Miri