Amerika Yaxın Şərqdə təsirini itirə bilər

DÜNYA

316

17.04.2025, 15:55

Tramp administrasiyasının xarici ölkələrə maliyyə yardımını kəsmək qərarı Vaşinqtonun dünyanın ən qeyri-sabit regionlarından birində - Yaxın Şərqdə mövqeyini zəiflədə bilər.

Oxu24.com xəbər verir ki, bu barədə “Politico” mənbələrə və ekspert rəylərinə istinadən yazır.

Onların qiymətləndirməsinə görə, dəstəyin radikal şəkildə azaldılması region ölkələrinin vəziyyətini pisləşdirəcək və nəticədə ABŞ-ın təsirini ciddi şəkildə sarsıda bilər. Bu, ilk növbədə, Amerikanın əsas müttəfiqlərinə - onilliklər ərzində ABŞ-dan kütləvi dəstək alan İsrail, İordaniya və Misirə zərbə vuracaq.

Onlardan əlavə, regionun digər ölkələri də nəticələrini hiss edəcəklər, o cümlədən Amerikanın işğalı və terrorçu qrupların qalıqları ilə mübarizənin nəticələrindən hələ də əziyyət çəkən İraq, bu yaxınlarda hakimiyyət dəyişikliyinin baş verdiyi Suriya, həmçinin İsrailin hərbi əməliyyatlarının davam etdiyi Yəmən, Livan və Qəzza zolağı.

Politico-nun məlumatına görə, ABŞ Beynəlxalq İnkişaf Agentliyi (USAID) 2010-cu ildən 2023-cü ilə qədər Yaxın Şərqə təxminən 40 milyard dollar yardım göndərib.

Həmçinin oxuyun

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar?

Prezidentin general-leytenant rütbəsi verdiyi Adil Abdullayev kimdir?

TƏCİLİ! Azərbaycanda yeni qaydalar TƏSDİQLƏNDİ

Aprelin 15-də ABŞ Hökumətinin Effektivliyi İdarəsi (DOGE) dövlət katibi Marko Rubionun Livan, Moldova, Tunis, Özbəkistan, Bolqarıstan və hətta Böyük Britaniya da daxil olmaqla bir sıra ölkələr üçün ayrılan 215 milyon dollar qrantı ləğv etdiyini bildirdi.

Donald Tramp hakimiyyətə gəldikdən sonra DOGE genişmiqyaslı büdcə auditinə başladı. Nəticədə USAID-in fəaliyyəti sonradan yenidən təşkili məqsədilə müvəqqəti olaraq dayandırıldı. Mənbələrə görə, bu proses Elon Mask tərəfindən fəal şəkildə dəstəklənir.

Nigar