Qaynar xətt:

(+99450) 247 90 86

İran təhdid edir 

DÜNYA

135

02.04.2025, 14:34

ABŞ-ın təhdidlərinə cavab olaraq Məclisin (birpalatalı parlament) Milli Təhlükəsizlik və Xarici Siyasət Komitəsinin sədri İbrahim Əzizi vəd edib ki, iranlılar İslam Respublikası ərazisini işğal edən hər kəsin ayağını kəsəcəklər.

"Hər hansı bir təcavüzkar İslami İranın müqəddəs ərazisinə ayaq basarsa, biz onun ayağını kəsəcəyik. İslam İnqilabının təlimlərinə görə, biz heç bir müharibənin təşəbbüskarı olmamışıq, lakin təcavüzkarlarla qəti və sərt şəkildə mübarizə aparmağı öyrənmişik", - o, IRNA agentliyinə müsahibəsində vurğulayıb.

İranlı parlamentari əlavə edib: "Sionist rejim (İsrail nəzərdə tutulur) və ABŞ bilməlidirlər ki, saxta bəhanə ilə milli təhlükəsizliyimizə zərrə qədər də ziyan vurmağa çalışsalar, artıq dünyanın heç bir yerində özlərini təhlükəsiz hiss etməyəcəklər".

Əzizi deyib ki, ABŞ və ya İsraillə əməkdaşlıq edən istənilən dövlət “İran tərəfindən döyüş meydanında hədəf kimi görünəcək”.

Nigar