Polşa Ukraynaya 200 milyon avro dəyərində silah göndərəcək

Polşa Ukraynaya dəyəri 200 milyon avrodan çox olan hərbi yardımın daha bir hissəsini köçürəcək.

 

Oxu24.com xəbər verir  ki, bu barədə ölkənin milli müdafiə naziri Vladislav Kosinyak-Kamış məlumat verib.

 

“Biz Ukraynaya çoxlu ianələr vermişik. Hazırda dəyəri 200 milyon avrodan çox olan növbəti, 46-cısını hazırlayırıq”.

 

Fevralın 17-də milli müdafiə naziri Vladislav Kosiniyak-Kamış bildirib ki, Polşa Ukraynaya qoşun yeritməyi planlaşdırmır, çünki onun ordusu hazırda şərq sərhədinin mühafizəsi ilə məşğuldur.

O qeyd edib ki, Polşa-Belarus sərhədində daimi olaraq 6 min hərbi qulluqçu var və burada ümumilikdə 17 min hərbçi iştirak edir.

Rəy sorğularına görə, Polşa sakinlərinin yarıdan çoxu (53%) Varşavanın Kiyevə hərbi dəstək verməsinin əleyhinədir.

Bundan əvvəl Polşanın baş naziri Rusiyanın dondurulmuş aktivləri hesabına Ukraynaya yardım göstərməyi təklif etmişdi.

 

Nigar