Avropanın Rusiyaya qarşı “gizli silahı”

“Politico” yazır ki, ABŞ prezidenti Donald Tramp Ukraynada müharibəyə son qoymaq üçün danışıqlar üçün bütün kozırların tək onun əlində olduğunu iddia etsə də, Avropa İttifaqının 200 milyard avro dəyərində “gizli silahı” var.

Oxu24.com xəbər verir  ki, bunlar əsasən Brüsseldə yerləşən Euroclear-da yerləşən dondurulmuş Rusiya aktivləridir. Aİ liderlər arasında fikir ayrılıqlarına baxmayaraq, onlardan istifadə etməyi düşünür.

 

ABŞ Rusiya aktivlərinin cəmi 5 milyard dollarına nəzarət edir. Avropalı siyasətçilər hesab edirlər ki, ABŞ dəstəyi azaldacağı təqdirdə aktivlərin dondurulması Ukraynaya kömək edə bilər.

 

Estoniyanın xarici işlər naziri Marqus Tsahkna qeyd edib ki, bu vəsait Amerika yardımını əvəz edə bilər.

 

Bununla belə, Fransa, Almaniya və İtaliya kimi bəzi Aİ ölkələri dondurulmuş aktivlərdən istifadənin investorları qorxudacağından və Aİ-nin danışıqlarda mövqeyini zəiflədə biləcəyindən ehtiyat edirlər. Fransa prezidenti Emmanuel Makron aktivlərin dondurulmasının vacibliyini vurğulayıb, lakin onların müsadirəsinin qanunsuz ola biləcəyini qeyd edib.

 

Nigar