Kreml BMT-nin Ukrayna ilə bağlı qəbul etdiyi qətnaməni şərh edib

Moskva Vaşinqtonun Rusiya-Ukrayna münaqişəsində getdikcə balanslı mövqe tutduğunu görür.

 

Oxu24.com xəbər verir  ki,bunu Kremlin rəsmi nümayəndəsi Dmitri Peskov brifinqdə BMT Təhlükəsizlik Şurasının qəbul etdiyi qətnamə layihəsini şərh edərkən deyib.

 

“Biz görürük ki, Birləşmiş Ştatlar daha balanslı mövqe tutur və bu, Ukraynadakı münaqişənin həllinə yönəlmiş səylərə kömək edir. Biz bunu alqışlayırıq və hesab edirik ki, balanslaşdırılmış mövqe nizamlanmaya töhfə vermək üçün həqiqi istəyi göstərir”, - Peskov bildirib.

 

Avropa ölkələrinin mövqeyinə gəlincə, o qeyd edib ki, hələlik balansdan söhbət getmir. Kreml nümayəndəsi əlavə edib ki, ola bilsin, avropalılar və amerikalılar arasında təmaslar nəticəsində Avropa hansısa şəkildə daha böyük tarazlığa yönələcək.

 

Fevralın 24-də BMT Baş Assambleyası Ukrayna ilə bağlı iki qətnaməyə səs verib: Ukrayna-Avropa və Amerika. Hər ikisi qəbul edildi.

 

Beynəlxalq təşkilatın Təhlükəsizlik Şurası da Amerika qətnaməsinə baxıb. Sənəd ilkin variantında qəbul edilib, Təhlükəsizlik Şurası həm Avropa ölkələrinin anti-Rusiya düzəlişlərini, həm də münaqişənin səbəblərinin qiymətləndirilməsinə aydınlıq gətirmək məqsədi daşıyan Rusiyanın təkliflərini rədd edib.

 

Nigar