Lavrob regionda dolaşır: Türkiyədən İrana gedir

Rusiyanın xarici işlər naziri Sergey Lavrov fevralın 25-də İrana işgüzar səfər edəcək və orada iranlı həmkarı Abbas Əraqçi ilə danışıqlar aparacaq.

 

Oxu24.com xəbər verir  ki, danışıqlarda əsas diqqət yanvarın 17-də Moskvada imzalanmış yeni dövlətlərarası sazişdə əksini tapmış Rusiya-İran strateji tərəfdaşlığının möhkəmləndirilməsinə yönəlib.

 

Ticarət-iqtisadi əməkdaşlığın, o cümlədən enerji və nəqliyyat sahələrində birgə layihələrin genişləndirilməsinə xüsusi diqqət yetiriləcək.

 

Tərəflər həmçinin beynəlxalq gündəliyi, o cümlədən Suriya, Cənubi Qafqaz, Əfqanıstan, Yəmən, Fars körfəzi regionunda vəziyyəti, həmçinin Yaxın Şərq nizamlanması məsələlərini və İranın nüvə proqramını müzakirə edəcəklər.

 

Nigar