Makron Ukraynada atəşkəs təklif edib

Fransa prezidenti Emmanuel Makron hesab edir ki, Ukraynada atəşkəs yaxın həftələr ərzində əldə edilə bilər.

 

Oxu24.com xəbər verir  ki,Makronun fikrincə, ən azı atəşkəsə nail olmaq və sonra dayanıqlı sülhü müzakirə etməyə başlamaq olar.

 

“Düşünürəm ki, buna yaxın bir neçə həftə ərzində nail olmaq olar”, o, Fox News-a müsahibəsində deyib.

 

Fransa rəhbəri hesab edir ki, bu, Donald Trampın ABŞ prezidenti postuna qayıdışı sayəsində mümkün olub.

 

Makron Moskva və Vaşinqton arasında danışıqların gedişini də yüksək qiymətləndirərək deyib ki, Avropa nümayəndələrinin iştirak etməməsi təəccüblü deyil.

 

Eyni zamanda Makron əlavə edib ki, o, Ukrayna probleminin həlli üçün birgə işləməyi zəruri hesab edir, çünki bu, birbaşa Avropa təhlükəsizliyinə aiddir.

 

Xatırladaq ki, bir gün əvvəl Ağ Evin mətbuat katibi Caroline Leavitt razılaşmanın “bu həftənin tezliyində” bağlana biləcəyini bildirmişdi. Peskov cavabında vurğulayıb ki, Moskvada hələlik belə məlumat yoxdur.

 

Nigar