Rusiya "BBC"-ni qara siyahıya salır

Böyük Britaniyanın BBC teleradio şirkətini arzuolunmaz təşkilat kimi tanımaq üçün

Rusiya Baş Prokurorluğuna müraciət edilib.

 

Oxu24.com xəbər verir  ki, bu barədə RTVI telekanalına Dövlət Dumasının Təhlükəsizlik Komitəsinin üzvü Andrey Alşevskix bildirib.

 

“Hazırda mən Baş Prokurorluğa müraciət etmişəm ki, BBC-nin Rusiya Federasiyası ərazisində arzuolunmaz təşkilat kimi tanınması üçün əsaslar varsa, faktları nəzərdən keçirsinlər və qərar qəbul etsinlər”, - Alşevskix bildirib.

 

Onun sözlərinə görə, bunun bir neçə səbəbi var. Bunlardan biri saxta məlumatların yayılması və Rusiya Federasiyası Silahlı Qüvvələrinin nüfuzdan salınmasıdır. Parlamentari bu media orqanının “Rusiyaya və Silahlı Qüvvələrə palçıq atdığını” vurğulayaraq, onları hərbi cinayətlərdə ittiham edib.

 

Alşevskix digər səbəb kimi Rusiyanın hinterlandından mənfi görüntülərin yayılmasını göstərib. Onun sözlərinə görə, BBC bunu “hər şeyin pis olduğunu” göstərmək üçün edir.

 

Alşevskix əlavə edib ki, digər nəşrlər, eləcə də Rusiya sakinlərinin özləri artıq BBC-nin analoji materiallarına diqqət yetiriblər və Baş Prokurorluğun cavabını gözləməyə çağırıblar.

 

Fevralın 20-də BBC Azərbaycandakı ofisinin bağlandığını elan edib. İddia olunur ki, bu media orqanının ölkədəki ofisinin bağlanması barədə məcburi qərar respublikanın Xarici İşlər Nazirliyindən şifahi göstəriş aldıqdan sonra verilib.

 

Bundan əvvəl Baş Prokurorluq Serb QHT-ni Rusiyada arzuolunmaz elan edib.

 

Nigar