Rusiya və Ukrayna razılığa gəliblər

Rusiya və Ukrayna hazırda Sumıda olan Kursk vilayətinin sakinlərini Belarus ərazisindən keçməklə təxliyə etmək barədə razılığa gəliblər.

 

Oxu24.com xəbər verir ki,  bunu Rusiyanın insan hüquqları üzrə komissarı Tatyana Moskalkova bildirib.

 

“Bu gün artıq Sumıda olan insanlar (Kursk vilayətinin sakinləri - redaktorun qeydi) var. "Və Qırmızı Xaç Cəmiyyəti və Ukrayna tərəfi ilə onların Belarus vasitəsilə Rusiyaya təxliyəsi barədə razılıq var", - Moskalkova Dövlət Dumasında "Vahid Rusiya" fraksiyasının rəyasət heyətinin iclasında qeyd edib.

 

Lakin o, neçə nəfərin təxliyə ediləcəyini dəqiqləşdirməyib. Moskalkova həmçinin təxliyə üçün təxmini vaxt çərçivəsi təqdim etməyib.

 

Qeyd edək ki, Kursk vilayətində döyüşlər 2024-cü il avqustun 6-dan davam edir.

 

Nigar