Dnestryanı Moldovanı regiona ziyan vurmaqda ittiham edir

Pridnestroviya Moldova Respublikasının xarici işlər naziri Vitali İqnatyev bəyan edib ki, Kişinyov enerji böhranından Dnestryanıya maksimum ziyan vurmaq üçün qəsdən istifadə edib.

Bu barədə TASS yazır.

Onun sözlərinə görə, humanitar və enerji vəziyyəti tanınmamış respublikaya uzun illər təzyiqlərin kulminasiya nöqtəsinə çevrilib.

İqnatyev vurğulayıb ki, Moldovanın Rusiyaya qaz tranzitinin davam etdirilməsi üçün birgə müraciət etməkdən imtina etməsi, eləcə də Kişinyovun Dnestryanı və Rusiya Federasiyasına qarşı başlatdığı məlumat kampaniyası regionda sabitliyi pozmaq üçün məqsədyönlü hərəkətlərdən xəbər verir.

Eyni zamanda, diplomat Dnestryanı bölgənin daha bir böhrandan uğurla çıxdığını qeyd edib, onun sözlərinə görə, bu, əhalinin birliyini möhkəmləndirib və regionun dövlət qurumlarının həyat qabiliyyətini nümayiş etdirib. O, həmçinin Dnestryanı ərazinin strateji hədəflərinin və kimliyinin qorunub saxlanmasına işarə edib.

Bir gün əvvəl Rusiyanın xarici işlər naziri Sergey Lavrov Moldova hakimiyyətinin və Avropa İttifaqının Rusiyanın iştirakı ilə Dnestryanı bölgəni elektrik enerjisi ilə təmin etmək üçün maneələr yaratdığını bəyan edib.

 

Nigar