Yaponiya Rusiyaya avtomobil hissələri ixracını artırır

2025-ci ilin yanvar ayında Yaponiya Rusiyaya minik avtomobillərinin tədarükünü keçən ilin eyni dövrü ilə müqayisədə 18,9% azaldıb. Eyni zamanda, ehtiyat hissələrinin tədarükü 11% artıb.

 

Oxu24.com  bu barədə Yaponiya Maliyyə Nazirliyinin məlumatlarına istinadən xəbər verir.

 

“Yanvarda Yaponiya Rusiyaya minik avtomobillərinin tədarükünü keçən ilin eyni dövrü ilə müqayisədə 18,9% azaldaraq 7710 ədədə endirib”, - agentliyin açıqlamasında bildirilir.

 

Eyni zamanda, Rusiyaya avtomobillər üçün ehtiyat hissələrinin tədarükü 11% artıb. Yaponiyanın Rusiyaya ixracının 52%-dən çoxunu minik avtomobilləri və ehtiyat hissələri təşkil edir.

 

Bundan əvvəl məlum olub ki, bütün 2024-cü il ərzində Rusiya sakinləri işlənmiş avtomobillərin alınmasına 6,95 trilyon rubl xərcləyib ki, bu da 2023-cü illə müqayisədə (5,84 trilyon rubl) 19% çoxdur. Beləliklə, təkrar bazarın maliyyə tutumu ötən il yeni rekorda imza atıb.

 

Qeyd olunur ki, ən çox işlənmiş Çin avtomobillərinin alınması xərcləri artıb. 2024-cü ildə Rusiya sakinləri Çindən 273,2 milyard rubl dəyərində işlənmiş avtomobillər alıblar ki, bu da 2023-cü illə müqayisədə 2,3 dəfə çoxdur.

 

Bundan əvvəl Rusiyada işlənmiş avtomobillərin satışının üçdə bir artdığı bildirilirdi.

 

Nigar