Qahirədə Qəzza üzrə danışıqların yeni mərhələsi keçirilib

Qəzza zolağında vəziyyətin nizamlanması üzrə Qahirədə keçirilən danışıqlar uğurla nəticələnib.

 

Oxu24.com  xəbəre verir  ki, bu barədə “Al Ekhbariya” telekanalı mənbəyə istinadən məlumat yayıb.

 

Telekanalın məlumatına görə, görüşdə Misir, Qətər, İsrail və ABŞ-dan nümayəndələr iştirak edib. Müəlliflərin qeyd etdiyi kimi, Qahirə və Doha razılaşmanın birinci mərhələsində azad edilməli olan israilli girovların və fələstinli məhbusların fevralın 22-də azadlığa buraxılmasını təmin ediblər.

 

Bununla belə, telekanal Fələstinin HƏMAS hərəkatının nümayəndələrinin danışıqlarda iştirak edib-etmədiyini dəqiqləşdirməyib.

 

Bu il yanvarın 19-da Qəzza zolağında atəşkəs qüvvəyə minib. 42 gün davam edəcək atəşkəsin birinci mərhələsi çərçivəsində HƏMAS-ın bütün qadın və uşaqlar da daxil olmaqla 33 israilli girovu azad edəcəyi gözlənilir. İsrail buna cavab olaraq azad edilmiş hər mülki şəxs üçün 30, hər əsgər üçün isə 50 fələstinli məhbusu azad edəcək.

 

Miri