Dünya vaxtından bir saniyə çıxılacaq

Rusiyalı alimlər Yerin anomal sürətlənməsinə görə dünya vaxtından bir saniyənin çıxılacağını irəli sürüblər.

 

Oxu24.com xəbər verir  ki, bu barədə RİA Novosti məlumat yayıb.

 

Agentliklə söhbətində bu ehtimalı Ümumrusiya Fiziki, Texniki və Radiotexniki Ölçmələr Elmi-Tədqiqat İnstitutunun (VNIIFTRI) baş direktoru Sergey Donçenko müzakirə edib. "Saniyəni toplamaq və ya çıxmaq kimi texniki tapşırıq artıq uzun müddətdir ki, bizə heç bir problem yaratmayıb" deyə mütəxəssis qeyd edib.

Bundan əvvəl VNIIFTRI-nin baş elmi işçisi Vitali Palçikov Yerin anomal sürətlənməsini açıqlamışdı. Onun hesablamalarına görə, planetin fırlanmasını kompensasiya etmək üçün 2029-cu ilə qədər dünya vaxtından bir saniyə çıxılmalı olacaq.

Sergey Donçenko izah edib ki, Yer daim yavaşlayır, sonra isə sürətlənir - hazırda ekspertlər onun sürətlənmə rejimində olduğunu qeyd edirlər. “Yer isinir, planetin daxilində intensiv proseslər gedir”, - deyən Donçenko bunun niyə baş verdiyi sualına hələ də dəqiq cavabın olmadığını vurğulayıb.

Bundan əvvəl Durham Universitetinin (Birləşmiş Krallıq) alimləri 2300-cü ilə qədər Dünya Okeanının səviyyəsinin 10 metr artacağını bəyan etmişdilər. Bu, iqlim dəyişikliyinin yaratdığı isti havaya cavab olaraq buzların əriməsinin artması ilə bağlıdır.

 

Nigar