Qərb Avropanın Ukraynanın mövqelərini gücləndirmək planlarını ortaya qoydu

Avropa Ukraynanın danışıqlarda mövqeyini gücləndirmək istəyir və bu, region liderlərinin fevralın 17-də Parisdə keçiriləcək fövqəladə sammitdə görüşündə əsas mövzu olacaq.

 

Oxu24.com xəbər verir  ki, bu barədə “Financial Times” (FT) qəzeti mənbələrə istinadən yazır.

 

Nəşr bir avropalı məmurdan sitat gətirir: “Avropanın etməli olduğu yeganə şey Ukraynaya mümkün qədər çox şey verməkdir ki, o, ABŞ və Rusiyanın ona tətbiq etdiyi şeylərə “yox” desin”.

 

İclasda Fransa, Böyük Britaniya, Almaniya, Polşa, İtaliya, İspaniya, Hollandiya və Danimarka, eləcə də Avropa İttifaqı (Aİ) və NATO-nun nümayəndələrinin iştirak edəcəyi əlavə edilib. Kiyevin danışıqlarda mövqelərini gücləndirmək üçün əsas tədbirlərdən biri Aİ ölkələrindən Ukraynaya qoşun yeritmək ideyasıdır.

 

Bundan əvvəl “The Economist” yazıb ki, ABŞ prezidenti Donald Trampın administrasiyası Ukraynaya təkcə Avropa İttifaqından deyil, həm də silahlı münaqişənin həll olunacağı təqdirdə Çin və Braziliyadan da qoşun göndərməyi təklif edir. Xüsusilə qeyd olunur ki, vitse-prezident J.D.Vans Münhen Təhlükəsizlik Konfransına səfəri zamanı bu tədbir haqqında danışa bilərdi.

 

Nigar