Lavriv İsrail və HƏMAS arasında razılaşmaların gedişindən narahatdır

Rusiya Qəzza zolağında atəşkəslə bağlı İsrail və Fələstinin Həmas hərəkatı arasında əldə olunan razılaşmaların gedişindən narahatdır.

 

Oxu24.com xəbər verir ki, bunu Rusiyanın xarici işlər naziri Sergey Lavrov Sudanın xarici işlər naziri Əli Yusif Şəriflə danışıqlardan sonra keçirilən mətbuat konfransında deyib.

"Tərəflər bir-birini razılaşmaları pozmaqda ittiham edir .İsrail rəhbərliyi Amerika nümayəndələri ilə birlikdə hərbi əməliyyatı bərpa etməklə hədələyir və təbii ki, bu, çox, çox üzücü olacaq", - Rusiya XİN rəhbəri bildirib.

Bu il yanvarın 19-da Qəzza zolağında atəşkəs qüvvəyə minib. 42 gün davam edəcək atəşkəsin birinci mərhələsi çərçivəsində HƏMAS-ın bütün qadın və uşaqlar da daxil olmaqla 33 israilli girovu azad edəcəyi gözlənilir. İsrail buna cavab olaraq azad edilmiş hər mülki şəxs üçün 30, hər əsgər üçün isə 50 fələstinli məhbusu azad edəcək.

O vaxtdan bəri İsrail və HƏMAS bir neçə mübadilə həyata keçirib. Fevralın 8-də İsrailin baş naziri Benyamin Netanyahu HƏMAS hərəkatını ləğv etmək və Qəzza zolağında radikallar tərəfindən saxlanılan bütün girovları qaytarmaq niyyətində olduğunu açıqlayıb.

Bundan əvvəl ABŞ prezidenti Donald Tramp Qəzza zolağına nəzarəti ələ keçirmək niyyətində olduğunu açıqlamışdı.

 

Miri