HƏMAS şərtini açıqladı

Qəzza zolağında bütün girovların qaytarılmasının yeganə yolu Fələstinin HƏMAS hərəkatı ilə İsrail arasında razılaşmalara əməl etməkdir.

Bunu HƏMAS-ın yüksək rütbəli nümayəndəsi Sami Əbu Zuhri Reuters agentliyinə açıqlamasında deyib.

"Tramp yadda saxlamalıdır ki, hər iki tərəfin əməl etməli olduğu razılaşma var və bu, məhbusları geri qaytarmağın yeganə yoludur", - o vurğulayıb.

Zuhri qeyd edib ki, ABŞ-dan gələn təhdidlərin “heç bir dəyəri yoxdur”.

Aparıcı Yaxın Şərq ölkələrinin ABŞ prezidenti Donald Trampın Qəzza zolağının çıxarılması və fələstinli qaçqınların qonşu dövlətlərə göndərilməsi planını rədd etdiyi bildirilir.

Fevralın 5-də Tramp fələstinlilər oradan qonşu ölkələrə köçürüldükdən sonra Qəzza zolağına nəzarəti ələ keçirmək niyyətində olduğunu açıqlayıb. Amerika lideri İsrailin baş naziri Benyamin Netanyahu ilə keçirdiyi mətbuat konfransında ABŞ-ın regionun yenidən qurulması və iş yerlərinin yaradılması, həmçinin partlamamış hərbi sursat və digər silahlardan yaranan təhlükənin aradan qaldırılması üçün məsuliyyət daşıyacağını vəd edib.

Tramp əvvəllər “Qəzzanı yenidən gözəlləşdirmək” istəyib.

 

Nigar