Çin Google-a qarşı antiinhisar araşdırmasına başlayıb

ABŞ-ın artan tariflərinə cavab olaraq Çin Google-a qarşı antiinhisar araşdırmasına başlayıb.

Oxu24.com xəbər verir  ki,Bu barədə çərşənbə axşamı Çinin Bazarın Tənzimlənməsi üzrə Dövlət Administrasiyası (SAMR) məlumat verib.

Google-un axtarış və internet xidmətləri 2010-cu ildən Çində bloklansa da, araşdırma şirkətin Çin tərəfdaşları ilə digər işgüzar münasibətlərinə təsir göstərə bilər. İstintaq Android bazarının üstünlüyü və onun Oppo və Xiaomi kimi Çin telefon istehsalçılarına vura biləcəyi potensial zərərlə bağlıdır. İstintaqın təfərrüatları hələ də məhduddur.

İstintaqın elanı prezident Trampın Çin mallarına tətbiq etdiyi 10 faizlik tariflərin qüvvəyə minməsi ilə demək olar ki, eyni vaxtda gəldi. Bu, Çinin son vaxtlar ABŞ texnoloji şirkətlərinə qarşı başlatdığı ikinci antiinhisar araşdırmasıdır: 2024-cü ilin dekabrında Nvidia-ya qarşı analoji araşdırma başladılıb. İntellə bağlı mümkün təhqiqat barədə də məlumatlar var.

Paralel olaraq Çin hökuməti ABŞ-dan gələn bir sıra mallara əlavə rüsumlar tətbiq etdiyini açıqlayıb. Belə ki, kömür və təbii qaza 15 faiz, xam neftə, kənd təsərrüfatı texnikasına, iri minik avtomobillərinə və pikap avtomobillərinə isə 10 faiz rüsum tətbiq olunacaq.

Bundan əlavə, Çin müasir infrastruktur və texnoloji istehsalda istifadə olunan bəzi mineral elementlərə, o cümlədən volfram, tellur, rutenium, molibden və ruteniumun ixracına məhdudiyyətlər qoyub. Rəsmi səbəb “milli təhlükəsizlik maraqlarının qorunması” ehtiyacıdır.

Qeyd edək ki, ABŞ-ın Meksika və Kanadaya tətbiq etdiyi tariflər də çərşənbə axşamı qüvvəyə minməli idi, lakin təhlükəsizlik və ticarət danışıqlarından əvvəl bir ay müddətinə dayandırılmışdı. Çinə qarşı rüsumların dayandırılması ilə bağlı hələlik heç bir açıqlama verilməyib.

 

Nigar