Çin Trampla danışıqlara gedir

Çin ABŞ-la ticarət danışıqlarına hazırlaşarkən, prezident Donald Trampın ilk administrasiyası ilə bağladığı razılaşmanın bərpasına diqqət yetirməyə hazırlaşır.

 

Oxu24.com  xəbər verir  ki, bu barədə mənbələrə istinadən Wall Street Journal (WSJ) məlumat yayıb.

Belə ki, 2020-ci ildə ABŞ və Çin arasında ticarət sazişi imzalanıb. Razılaşmanın birinci mərhələsində Pekinin Vaşinqtondan aldığı malların həcmini 200 milyard dollar artırması nəzərdə tutulurdu. WSJ qeyd edir ki, Çin sazişi imzalayıb, lakin heç vaxt həyata keçirməyib.

 

Qəzetin mənbələrinə görə, Pekin Trampla Çinin ABŞ-dan alışlarını artıra biləcəyi sahələr üzrə danışıqlara hazırlaşır. Planın digər hissələrinə, deyirlər ki, Amerikanın elektrikli avtomobil akkumulyatoru istehsalına Çin sərmayəsinin artırılması, süni şəkildə aşağı salınmış yuana son qoyulması və fentanil dərmanının ixracını azaltmaq öhdəliyi var.

 

Fevralın əvvəlində Tramp Meksika və Kanadadan (25%), eləcə də Çindən (10%) idxala tariflər tətbiq edən sərəncam imzalayıb. O, əvvəllər bu qərarını qanunsuz miqrasiya və narkotik qaçaqmalçılığı ilə mübarizə ilə izah edib. Çinin Ticarət Nazirliyi bildirib ki, “ABŞ-ın qeyri-qanuni hərəkətlərinə cavab olaraq Çin ÜTT-də iddia qaldıracaq və öz hüquq və maraqlarını qəti şəkildə qorumaq üçün müvafiq əks tədbirlər görəcək”.

 

Nigar