ABŞ Federal Aviasiya Administrasiyası (FAA) bir gün əvvəl hərbi vertolyotun mülki təyyarə ilə toqquşduğu Vaşinqtonun Ronald Reyqan Beynəlxalq Hava Limanı ərazisində helikopter uçuşlarına məhdudiyyət qoyub.

Oxu24.com xəbər verir  ki,bu barədə FAA nümayəndəsinə istinadən Reuters agentliyi məlumat yayıb.

“Agentlik əksər vertolyotların hava limanı yaxınlığındakı iki vertolyot marşrutunun hissələrinə uçuşunu qadağan edir, yalnız polis və tibbi helikopterlərin uçmasına icazə verir”, - nəşr yazır.

Bildirilir ki, aviasiya xidməti 1 və 4 nömrəli marşrutlarda hərəkəti bağlayıb. Ehtimal olunur ki, qəzaya uğrayan helikopter onlardan biri ilə hərəkət edirmiş.

Bundan əvvəl NBC News xəbər vermişdi ki, faciədən bir gün əvvəl hərbi helikopterlər daha bir reysin enməsinə mane olsalar da, toqquşmanın qarşısı alınıb.

Yanvarın 30-da American Airlines-a məxsus Bombardier CRJ700 sərnişin təyyarəsi Black Hawk hərbi helikopteri ilə toqquşub və Ronald Reyqan Vaşinqton Beynəlxalq Hava Limanı yaxınlığında Potomak çayına düşüb.

Qəzaya uğrayan təyyarənin göyərtəsində 60 sərnişin və 4 ekipaj üzvü olub. Təyyarə Kanzas ştatının Viçita şəhərindən uçurdu və Vaşinqton hava limanına enməyə hazırlaşırdı. CNN-in məlumatına görə, American Airlines təyyarəsi ilə toqquşan Black Hawk helikopteri təlim missiyasında idi və ABŞ ordusuna aid idi.

Qəzaya uğrayan təyyarənin göyərtəsində 1994-cü ildə Rusiya milli komandasının tərkibində fiqurlu konkisürmə üzrə cütlük üzrə dünya çempionu olmuş fiqurlu konkisürənlər Evgeniya Şişkova və Vadim Naumov olub.

ABŞ prezidenti Donald Tramp təyyarə qəzasında sağ qalanların olmadığını bildirib.

Nigar