Tənzimləyici orqanlar yanğın təhlükəsizliyi standartları və lazımi lisenziyaların olması ilə bağlı yoxlamalar zamanı Türkiyədə 210-dan çox oteli möhürləyib.

Oxu24.com  xəbər  verir  ki, bu barədə DHA məlumat yayıb.

Nəşr qeyd edir ki, məşhur Uludağ dağ-xizək kurortunun yerləşdiyi Qərbi Bursa vilayətində 161 otel və villa möhürlənib.

Onlar qanun pozuntularını, o cümlədən sahibkarlıq fəaliyyəti ilə bağlı lisenziyaların olmaması, habelə binaların təchiz edilməsi zamanı təhlükəsizlik tələblərinin pozulması hallarını aşkar ediblər.

“Grand Kartal” otelində yanğın yanvarın 21-nə keçən gecə baş verib. Həmin vaxt 12 mərtəbəli binada uşaqlı ailələr də daxil olmaqla 238 sakin yaşayırdı.

Mətbuatın yazdığına görə, güclü yanğına baxmayaraq, oteldə həyəcan siqnalı işə düşməyib. Nəticədə, bir çox insanlar onları təhdid edən təhlükədən sona qədər xəbərsiz idilər və vaxtında təxliyə etməyə vaxt tapmadılar. Üstəlik, təcili yardım xidmətinin hadisə yerinə çatması bir saatdan çox vaxt aparıb.

Yanğın nəticəsində onlarla insan xəsarət alıb, onlardan 79-nu xilas etmək mümkün olmayıb. Hüquq-mühafizə orqanlarının əməkdaşları araşdırmaya başlayıb, araşdırma zamanı 18 nəfər həbs edilib. Onların arasında otel sahibi və bir neçə məmur da var.

Nigar