Müstəqil Ukrayna mediası ABŞ prezidenti Donald Trampın xarici layihələrin maliyyələşdirilməsini dayandırmaq haqqında fərmanından sonra çətin vəziyyətə düşüb.

Oxu24.com  xəbər verir  ki,bu barədə Almaniyanın Junge Welt nəşri yazır.

Məqalədə qeyd edildiyi kimi, Ukraynanın bəzi xəbər mənbələri artıq öz işçilərinə və müəlliflərinə maaş vermək problemi ilə qarşılaşıblar.

Yanvarın 25-də ABŞ dövlət katibi Marko Rubio xarici ölkələrə maliyyə yardımı proqramlarının əksəriyyətinin dayandırılması barədə göstəriş verib.

Bundan əvvəl Donald Tramp prezidentliyinin ilk günündə oxşar fərman imzalamışdı. Eyni zamanda, Qərb mediasındakı nəşrlərə görə, hər iki sənəd təfsir üçün geniş imkanlar buraxacaq şəkildə tərtib edilmişdir.

Yanvarın 28-də Ukrayna Prezidentinin Aparat rəhbərinin müavini İrina Vereşçuk Trampın Kiyevə yardımın maliyyələşdirilməsini dondurmaq qərarından sonra ABŞ-la məsləhətləşmələr apardığını açıqlayıb.

Bundan əvvəl ABŞ USAID vasitəsilə Ukraynaya dəstək layihələrini dondurmuşdu.

Nigar