Baydenin sanksiyaları Rusiyanın Çinə neft ixracını iflic edir

ABŞ prezidenti Co Bayden administrasiyasının son günlərində Rusiya neft sənayesinə qarşı tətbiq edilən sanksiyalar Rusiyanın ESPO xam neftinin ticarətini stabilləşdirib.

Oxu24.com xəbər verir  ki,bu barədə Bloomberg məlumat yayıb.

Son sanksiyalar paketinin tətbiqindən sonra Sakit okeandakı Kozmino limanından Çinə daşınan Rusiyanın ESPO xam neftinin daşınmasının dəyəri 5 dəfə artıb.

Son sanksiyalardan əvvəl yükdaşıma tarifi 1,5 milyon dollar idisə, ötən həftə 5,5 milyon dollara yüksəlib. Bu günə olan məlumata görə, qiymət 7 milyon dollara çatıb.

Çin limanları sanksiyaya məruz qalmış tankerləri buraxmaqdan ehtiyatlanır. Marşrutdan istifadə edən gəmilərin əksəriyyəti Rusiya xammalının ticarətini pozaraq məhdudiyyətlərə məruz qalıb.

Mövcud vəziyyət əvvəllər Rusiyanın qərbindəki limanlarla işləyən tankerləri şərq istiqamətində marşrutlarını dəyişməyə məcbur edib. Xüsusilə, Kozmino limanından neft daşımağa başlayan son gəmilərdən biri “Legend” tankeri olub.

Yanvarın 20-də tanker yükü təyin olunmuş limanda götürüb və Çinin Huizhou şəhərində boşaldılması planlaşdırılır. Əvvəllər bu gəmi Ust-Luqa və Primorsk limanlarından yükləri boşaltırdı. Treyderlər Reuters-ə bildiriblər ki, yükdaşıma xərclərinin artması artıq ABŞ sanksiyalarının təzyiqi altında olan və çətin logistika ilə üzləşən Rusiya neft satıcılarının gəlirlərini azaldır, qış mövsümündə bölgədə gəmi çatışmazlığı yüklənmənin daha da pozulmasına səbəb ola bilər. Agentliyin mənbələrindən biri bildirib ki, Amerika sanksiyaları Rusiya neftinin Asiyaya ixracında iştirak edən 80 tankeri dövriyyədən çıxarıb.

 

Miri