"Qərb mətbuatında Suriyanın eks-prezidenti Bəşər Əsədin Moskvaya təyyarə ilə nağd pul keçirməsi ilə bağlı dərc olunan yazılardan ehtiyatlı olmaq lazımdır".  

Oxu24.com xəbər verir ki, bunu Rusiya Federasiya Şurasının Beynəlxalq Əlaqələr Komitəsinin sədri Qriqori Karasin deyib.  

O, Britaniyanın “Financial Times” qəzetindəki müvafiq məqaləni belə qiymətləndirib:

"Məncə, bunun “Financial Times”da dərc olunması müvafiq qiymətləndirmələr, müvafiq şərhlər vermək üçün media məkanına sərfəli versiyanın daxil edilməsi üzrə klassik əməliyyatdır", - o vurğulayıb.

Bu baxımdan, senatorun fikrincə, Qərb mediasında bu tip nəşrlərə ehtiyatla yanaşmaq lazımdır.

Bu gün “Financial Times” yazıb ki, Suriya Mərkəzi Bankı 2018-2019-cu illərdə ölkənin devrilmiş prezidenti Bəşər Əsədin hələ də hakimiyyətdə olduğu dövrdə Moskvaya milyonlarla dollar nağd pulla bir neçə təyyarə göndərib.