Rusiya son günlər Bəşər Əsəd rejimini devirən əsas müxalifət qruplaşması ilə koordinasiya çərçivəsində ən azı 400 əsgərini Dəməşq bölgəsindən geri çəkib.

Oxu24.com xarici KİV-ə istinadən xəbər verir ki, “Həyat Təhrir əş-Şam”ın (HTS) siyasi bürosunun üzvü Kamal Ləbabidinin məlumatına görə, əsgərlər Suriya ordusunun dördüncü diviziyasının Qudsayadakı qərargahında yerləşdirilib.

Rusiyanın Dəməşqdəki səfirliyində olan əsgərlər də ötən həftə ölkəni tərk ediblər. Ləbabidi bildirib ki, ölkə daxilində daha çox əsgərin təxliyəsi üçün danışıqlar aparılır.