Aİ Gürcüstana qarşı sanksiyaları müzakirə edəcək

Aİ xarici işlər nazirləri Gürcüstana qarşı sanksiyaları, o cümlədən müəyyən kateqoriyadan olan şəxslər üçün viza rejiminin mümkün tətbiqini müzakirə edəcəklər.

Oxu24.com  yazır ki, bu barədə Brüsseldə Avropa İttifaqının yüksək vəzifəli nümayəndəsi jurnalistlərə bildirib.

“Mümkün yeni tədbirlərlə bağlı müzakirələr aparılacaq. Bəli, repressiyalara və insan hüquqlarının pozulmasına görə məsuliyyət daşıyan şəxslərə qarşı mümkün sanksiyalar müzakirə olunacaq”, - mənbə bildirib.

Bundan əlavə, diplomatlar və məmurlar üçün viza rejiminin yenilənməsi ehtimalı var.

Dövlət Departamentinin məlumatına görə, dekabrın 13-də ABŞ-ın Gürcüstanda "demokratiyanı sarsıtmaqda" günahkar olan şəxslərə qarşı viza məhdudiyyəti tətbiq etdiyini elan etdiyi məlum olub. Bildirilib ki, tədbir Gürcüstan hökumətinin nazirləri, eləcə də parlament üzvləri də daxil olmaqla 20-yə yaxın şəxsə şamil olunacaq.

Etirazlar noyabrın sonunda baş nazir İrakli Kobaxidzenin Gürcüstanın Avropa İttifaqına daxil olması ilə bağlı danışıqların 2028-ci ilə qədər dayandırıldığını elan etməsindən sonra başlayıb. Mitinqlərin dağıdılması zamanı xüsusi təyinatlılar və Gürcüstan hüquq-mühafizə orqanları su şırnaqlarından, gözyaşardıcı qaz qumbaralarından və bibər qazından istifadə ediblər. 400-dən çox adam saxlanılıb.

 

Nigar