Bayden və onun sanksiyaları Gürcüstanda tənqid edilib

ABŞ prezidenti Co Bayden administrasiyasının Gürcüstan hakimiyyətinə qarşı sanksiyalar tətbiq etmək qərarı anlaşılmaz və mənasızdır.

Oxu24.com  xəbər verir ki, bu barədə Gürcüstan parlamentinin spikeri Şalva Papuaşvili brifinqdə bildirib.

Dövlət Departamentinin məlumatına görə, dekabrın 13-də ABŞ-ın Gürcüstanda "demokratiyanı sarsıtmaqda" günahkar olan şəxslərə qarşı viza məhdudiyyəti tətbiq etdiyini elan etdiyi məlum olub.

Tədbir təxminən 20 nəfərə, o cümlədən Gürcüstan hökumətinin nazirləri, parlament üzvləri, hüquq-mühafizə və təhlükəsizlik orqanlarının əməkdaşları, eləcə də fərdi şəxslərə şamil ediləcək. Agentlik sanksiyaya məruz qalanların adlarını açıqlamayıb.

Dövlət Departamentinin bəyanatında deyilir ki, Birləşmiş Ştatlar hakim “Gürcü Arzusu” partiyasının vətəndaşlara, o cümlədən etirazçılara, media mənsublarına, hüquq müdafiəçilərinə və müxalifət xadimlərinə qarşı davam edən qəddar və “əsassız zorakılığı” qətiyyətlə pisləyir.

Bundan əvvəl Zelenski Gürcüstan hakimiyyətinə qarşı sanksiyalar tətbiq edib.

 

Nigar