ABŞ Cənubi Koreya və Yaponiya da daxil olmaqla tərəfdaşları ilə birlikdə KXDR-ə qarşı sanksiyalara riayət olunmasına nəzarət üçün yeni plan təqdim edib.

Bloomberg yazır ki, bu, Rusiyanın 2024-cü ilin əvvəlində BMT panelinin nəzarətini dayandıraraq veto qoymasından sonra baş verib.

Çoxtərəfli Sanksiyaların Monitorinq Qrupunda iştirak edən ölkələr Şimali Koreyanın ballistik raket proqramı və kütləvi qırğın silahları ilə bağlı təhdidləri aradan qaldırmağa çalışacaqlarını bildirərək bəyanat yayıblar.

“Yeni mexanizmin məqsədi sanksiyaların pozulması və onlardan yayınma cəhdlərinin hərtərəfli təhqiqatına əsaslanan məlumatları dərc etməklə BMT-nin KXDR-ə qarşı sanksiyalarının tam şəkildə həyata keçirilməsini asanlaşdırmaqdır”, - deyə KXDR ilə bağlı bəyanatda qeyd olunub.

Bloomberg bu bəyanatın Şimali Koreyanın öz ərazisində onu Cənubla birləşdirən yol hissələrini partlatmasından sonra verildiyini vurğulayıb. Bununla da ölkə bölünmüş yarımadada gərginliyin artdığını göstərdi. Eyni zamanda, Şimali Koreya lideri Kim Çen In Cənubi Koreyaya qarşı təhdidlərin səviyyəsini artırır. O, xüsusən də cənub qonşusunu “məhv etmək” hüququna malik olduğunu bildirib.

Nəşr qeyd edib ki, bu qrupa 11 ölkə, o cümlədən Avstraliya, Kanada, Fransa, Almaniya, İtaliya, Hollandiya, Yeni Zelandiya, Böyük Britaniya və Fransa, həmçinin ABŞ, Cənubi Koreya və Yaponiya daxildir.

"Biz Təhlükəsizlik Şurası tərəfindən qoyulmuş əvvəlki rejimi davam etdirmək istərdik. Bunun qarşısı Rusiyanın barışmazlığı ilə alındı. Hesab edirəm ki, ümumi məqsəddən ilhamlanan bu ölkələr qrupunun işin bir hissəsini üstələmək potensialı var. Bu, əvvəllər də edilib.”, - ABŞ dövlət katibinin müavini Kurt Kempbell Seulda keçirdiyi mətbuat konfransında bildirib.

Nigar