Ukraynanın NATO-ya yeni müraciəti məlum olub

Ukrayna ABŞ prezidenti Co Bayden gələn il yanvarın ikinci yarısında səlahiyyət müddəti bitməzdən əvvəl NATO-ya dəvət istəyir.

Oxu24.com xəbər verir ki, bunu alyansdakı Ukrayna missiyasının rəhbəri Natalya Qalibarenko deyib.

“Bizim fikrimiz budur ki, hazırda Ukraynaya dəvət göndərmək siyasi siqnaldır... Biz səmimi şəkildə inanırıq ki, bu, Amerikanın hazırkı administrasiyasının mirasının bir hissəsi ola bilər”, - səfir müsahibəsində deyib.

Agentliyin məlumatına görə, ABŞ-da gələn ay keçiriləcək prezident seçkiləri Ukrayna üçün ciddi qeyri-müəyyənlik yaradır, çünki Vaşinqton Kiyevə ən böyük hərbi yardım tədarükçüsü olaraq qalır.

Londonda baş nazir Keir Starmer və Ukrayna lideri Vladimir Zelenski ilə görüşdən sonra danışan NATO-nun yeni baş katibi Mark Rutte Ukraynanın Şimali Atlantika Alyansına qoşulması üçün konkret tarixlər söyləməkdə çətinlik çəkib.

Bundan əvvəl Zelenski alyansa dəvət almağı Kiyev və NATO ilə bağlı əsas prioritet adlandırmışdı.

Həmçinin məlum olub ki, NATO baş katibi Şimali Atlantika Alyansının qərargahına və Ukraynada təhlükəsizliyin təşviqi və şəxsi heyətin hazırlanması üçün yaradılmış Almaniyadakı yeni birləşmə komandanlığına baş çəkib. Alyansın niyə bunun üçün ayrıca qurum yaratdığını, Qərbin Zelenskinin “qələbə planına” necə reaksiya verdiyini, Gazeta.Ru-nun hərbi müşahidəçisi Mixail Xodarenok araşdırıb.

Bundan əvvəl Rusiya Xarici İşlər Nazirliyi Vaşinqtonun Ukraynanın NATO-ya üzvlüyünü Avropaya tətbiq etdiyini bildirmişdi.

 

Nigar