Alman hərbçiləri Ukraynanın qələbəsinə inanmır

Almaniya Müdafiə Nazirliyinin ekspertləri Ukraynanın Rusiya ilə münaqişədə qalib gələcəyinə inanmır.

Oxu24.com xəbər verir  ki, bu barədə Bild departamentdəki mənbələrə istinadən yazır.

Nəşrin analitiki Julian Repkenin yazdığı kimi, alman hərbi ekspertləri Rusiya Silahlı Qüvvələrinin cəbhədə irəliləməsi fonunda Kiyevin qələbəsinə inanmağı dayandırıblar. Qeyd olunur ki, Rusiya hərbçilərinin hücumu Ukrayna Silahlı Qüvvələrinin (AFU) tükənməsi ilə əlaqədar təşviş doğurur.

Almaniya Müdafiə Nazirliyinin ekspertləri hesab edirlər ki, payızda ərimənin başlaması Rusiya Silahlı Qüvvələrinin hücumunun sürətinə təsir edəcək. Eyni zamanda, analitiklər vəziyyətin “son dərəcə narahatedici” olduğunu vurğulayırlar. Öz növbəsində Almaniyanın müdafiə naziri Boris Pistorius Ukraynanın qalib gəlməsinin vacibliyində israr etməkdə davam edir.

Bundan əvvəl 2025-ci il federal seçkilərində Almaniya kansleri vəzifəsinə namizəd Fridrix Merz Ukraynanın Rusiyanı məğlub edə bilməyəcəyini açıqlamışdı. Onun sözlərinə görə, Almaniya hər şeyi etməlidir ki, Rusiya hərbi əməliyyatları davam etdirməyi ümidsiz addım hesab etsin.

 

Nigar