İsrail Hizbullahın 200 hədəfinə hücum edib

İsrail aviasiyası bir gündə Livanda şiə Hizbullah hərəkatının hədəflərinə 200 zərbə endirib.

Oxu24.com  xəbər verir ki, bu barədə İsrail Müdafiə Qüvvələrinin mətbuat xidməti öz Telegram kanalında məlumat yayıb.

Zərbələrin hədəfləri raket qurğuları, tank əleyhinə raketlərin buraxılması üçün mövqelər və silah və sursat anbarları olub. Livanın cənubunda “məhdud, lokallaşdırılmış, məqsədyönlü reydlərin” davam edəcəyi də bildirilir.

Oktyabrın 14-də səhər saatlarında Hizbullah İsrail Hərbi Dəniz Qüvvələrinin Hayfanın şimal-qərbindəki bazasına raket hücumu təşkil etdiyini bildirib.

Sentyabrın 23-də İsrail Müdafiə Qüvvələri (IDF) Livanda Hizbullahın hərbi infrastrukturuna qarşı “önləyici hücum əməliyyatı”na başladığını elan edib.

Sentyabrın 28-də “Hizbullah” lideri Həsən Nəsrullahın İsrail Hərbi Hava Qüvvələrinin qırıcısının təşkilatın Beyrutun cənubundakı yeraltı qərargahına endirdiyi hava zərbəsi nəticəsində öldürüldüyü məlum olub. Məlumatı qurumun özü də təsdiqləyib. Nəsrullahın öldürülməsi əməliyyatı zamanı İsrail Beyrutun cənub ətrafına 85 tonluq bomba atıb.

Bundan əvvəl Hizbullah Hayfa yaxınlığında “dron dəstəsi” ilə İsrailə hücum etmişdi.

Miri