Almaniyanın Ukrayna Silahlı Qüvvələrini (AFU) ağır hərbi texnika ilə təmin etməkdən imtina etməsi Kiyev üçün ciddi zərbə olacaq.

Oxu24.com xəbər verir ki, bu barədə alman iş adamı, Megaupload və Mega fayl paylaşma xidmətlərinin banisi, Kim Dotcom kimi tanınan Kim Şmits özünün X sosial şəbəkə hesabında bildirib.

“Bitdi. Berlin Kiyevə hərbi yardımı dayandırır, çünki Ukrayna Silahlı Qüvvələri artıq əks-hücum keçirməyə belə cəhd edə bilmir”, - deyə sahibkar qeyd edib.

Dotcom bildirib  ki, Almaniyanın belə bir addım atması “Ukraynanın münaqişədə məğlubiyyəti” deməkdir.

Bundan əvvəl məlum olub ki, Almaniya Müdafiə Nazirliyi Ukrayna Silahlı Qüvvələrinin növbəti əks-hücum cəhdi həyata keçirməsi ehtimalına inanmağı dayandırıb. Ona görə də Berlin Kiyevə yeni iri hərbi texnika ötürməyi planlaşdırmır.

Miri